Што казаў Стывен Хокінг пра галоўнае пытанне жыцця, сусвету і ўсяго такога

"Па-першае, не забывайце глядзець на зоркі, а не на ногі. Па-другое, ніколі не здавайцеся. Праца дае вам сэнс і мэту, без якіх няма жыцця. Па-трэцяе, калі вам пашчасціла знайсці каханне, шануеце гэта пачуццё". Што яшчэ казаў легендарны фізік-тэарэтык Стывен Хокінг?
facebook.com/stephenhawking

facebook.com/stephenhawking


Хокінг спрагназаваў знікненне чалавецтва да 2600 года. Ён лічыў, што ў найбліжэйшай будучыні з-за дзейнасці чалавека тэмпература на планеце дасягне некалькіх сотняў градусаў па Цэльсію, акіяны пачнуць закіпаць, а з неба пальюцца кіслотныя дажджы. Па словах фізіка, адбудзецца тое, што цяпер назіраецца на Венеры. "Змена клімату — адна з найвялікшых пагроз, з якімі мы сутыкаемся. І гэта тое, што мы можам прадухіліць, калі будзем дзейнічаць зараз", — папярэджваў навуковец.

Ён неаднаразова крытыкаваў рашэнне прэзідэнта ЗША Дональда Трампа выйсці з Парыжскага пагаднення па клімаце: гэта можа прывесці да экалагічнай катастрофы на Зямлі.

"Магчыма, праз некалькі сот гадоў мы створым калоніі сярод зорак, але цяпер у нас ёсць толькі адна планета, і мы павінны працаваць разам, каб абараніць яе. Каб зрабіць гэта, нам трэба ламаць, а не павялічваць бар'еры ўнутры і паміж краінамі. Сусветныя лідары павінны прызнаць, што яны пацярпелі няўдачу і падвялі большасць. Нам прыйдзецца навучыцца лепш, чым сёння, дзяліцца рэсурсамі, якія ўсё больш канцэнтруюцца ў руках меншасці", — казаў ён.

Хокінг хацеў, каб чалавецтва перасялілася на іншыя планеты. Фізіка турбавала пагроза перанасялення Зямлі і кліматычныя зменаў. Ён звяртаўся да інвестараў з просьбай падтрымаць яго планы па вандроўцы да бліжэйшай зорцы за межамі нашай сонечнай сістэмы, спадзеючыся, што прыдатная для жыцця планета можа круціцца вакол яе.
facebook.com/stephenhawking

facebook.com/stephenhawking


На яго думку, заменай Зямлі можа стаць спадарожнік альфы Цэнтаўра, дзе цывілізацыя зможа пражыць яшчэ каля мільёна гадоў.

Хокінг заклікаў падтрымаць праект Breakthrough Starshot, адным з ініцыятараў якога ён з'яўляўся. Па словах вядомага фізіка-тэарэтыка, чалавецтва павінна пачаць міграцыю з нашай планеты праз 30 гадоў. Менавіта столькі трэба для стварэння базы на Месяцы. А для таго, каб пабудаваць яе на Марсе, спатрэбіцца 50 гадоў. Менавіта туды навуковец рэкамендаваў адправіць ўзоры раслін, жывёл і грыбоў. "Я перакананы, што людзі павінны пакінуць Зямлю. Зямля становіцца занадта малая для нас, нашы фізічныя рэсурсы высільваюцца трывожнымі тэмпамі", — заявіў Хокінг. Вучоны быў упэўнены, што міграцыя дапаможа пазбегнуць перанасялення Зямлі і катастроф, звязаных з глабальным пацяпленнем. Такі варыянт вырашэння Стывен Хокінг лічыў натуральным, параўнаўшы яго з адкрыццём Амерыкі Хрыстафорам Калумбам.

Хокінг імкнуўся спазнаць як мага больш таямніц Сусвету. "Навуковая фантастыка можа быць карыснай: яна стымулюе уяўленне і пазбаўляе ад страху перад будучыняй. Аднак навуковыя факты могуць апынуцца нашмат больш дзіўнымі. Навуковая фантастыка нават не меркавала наяўнасці такіх рэчаў, як чорныя дзіркі", — казаў Стывэн. Ён лічыў, што людзі — толькі "развітыя нашчадкі малпаў на маленькай планеце з нічым не характэрнай зоркай". "Але ў нас ёсць шанцы спасцігнуць Сусвет. Гэта і робіць нас асаблівымі", — дадаваў фізік.
hawking.org.uk

hawking.org.uk

"Мая мэта вельмі простая: я хачу разумець Сусвет, чаму ён зроблены так, як уладкаваны, і навошта мы тут".

"Там, дзе ёсць жыццё, ёсць надзея".

"Вельмі важна проста не здавацца".

"Мая сапраўдная мара — напісаць такую ​​кнігу, якая будзе прадавацца ў шапіках ў аэрапорце. Але для гэтага, падобна, выдаўцу трэба будзе змясціць на вокладку голую жанчыну".

"Я заўважыў, што нават тыя людзі, якія сцвярджаюць, што ўсё наканавана і што з гэтым нічога нельга зрабіць, глядзяць па баках, перш чым перайсці дарогу".

Хокінга быў перакананым атэістам. Ён неаднаразова заяўляў: "Я атэіст, таму што навука больш "пераканаўча", чым Бог". "Да таго, як мы разумеем навуку, натуральна верыць, што Бог стварыў Сусвет. Але цяпер навука прапануе значна больш пераканаўчае тлумачэнне. Тое, што я меў на ўвазе пад "мы зразумеем розум Божы", дык гэта тое, што мы зразумеем усё тое, што мог бы ведаць Бог, калі б ён існаваў, а яго не існуе. Я атэіст", — казаў ён. Фізік заяўляў, што не верыць у жыццё пасля смерці. "Я не спяшаюся паміраць, таму што яшчэ хачу шмат чаго дабіцца. Але калі пакіну гэты свет, то дакладна буду ведаць, што ні ў якой рай або пекла я не траплю".
 
"Жыццё было б вельмі трагічным, калі б не было такім вясёлым".

Тым не менш, навуковец не адмаўляў магчымасць існавання пазаземнага жыцця. "Калі нас калісьці наведаюць іншапланецяне, я думаю, вынік будзе такім жа, як калі Хрыстафор Калумб упершыню высадзіўся ў Амерыцы, што абярнулася не занадта добра для карэнных амерыканцаў", — адзначаў Стывэн.

Паводле замежных СМІ

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • ВР
  • 2018-03-14 16:04:40
Нічога не маю супраць Хокінга, хай спіць спакойна. Але яго парады (па-першае, па-другое, па-трэцяе...) гучаць вельмі трывіяльна. Напрыклад, рэжысёр Беларускага дзяржаўнага яўрэйскага тэатра Міхаіл Рафальскі, якога забілі ў 1937 г., казаў: "Мы почему-то больше всего смотрим вниз, на траву, на снег, на все, что окружает нас на земле... Не горбитесь, смотрите чаще на звезды" (цыт. паводле кнігі "Судьба одного театра", Мінск, 2000). Мяркую, падобныя думкі выказваліся і да Рафальскага.
  • Цікаўны
  • 2018-03-15 00:08:29
Кант таксама зорнае неба любіў :)
  • фцф
  • 2018-03-15 20:20:59
У мяне больш сьвежая думка: "Глядзіце больш у інтэрнэт! Там і неба, і зоры, і трава, і ўсякая іншая трасца..." . Здаецца арыгінальна? Прынамсі, не Рафальскі, не Кант і не Будда так не казалі. Толькі чамусьці мяне грызуць сумленьне і сумненьне, а мо ўсё ж казалі ...

Каментаваць