Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

Валерый Шчукін: Яны мяне, афіцэра, хацелі напалохаць?

Калі сілавікі цягнулі Валерыя Шчучкіна па асфальце, то моцна пашкодзілі яму руку.
22 сакавіка вядомы беларускі праваабаронца Валерый Шчукін адзначыў свой 75-гадовы юбілей. А ўжо праз тры дні ўлады падрыхтавалі знакамітаму пенсіянеру свой «падарунак» — падчас святкавання Дня волі АМАПаўцы яго жорстка збілі, і сёння Валерый Аляксеевіч знаходзіцца ў ваенным шпіталі.

“Яны мяне, афіцэра, хацелі напалохаць? — кажа Валерый Шчукін. — Не праз такое праходзіў…”

“Здароўе яшчэ так сабе, — распавядае Валерый Шчукін сайту palitviazni.info. — Нейкая слабасць адчуваецца. Па назе атрымаў дубінкай, збітая рука… Акрамя таго, у мяне быў гіпертанічны крыз, таму зараз знаходжуся ў кардыялогіі”.

Валерый Аляксеевіч успамінае, што мірна стаяў на плошчы Калініна. Гэта за адзін прыпынак ад Акадэміі навук, дзе забаранілі збор удзельнікаў акцыі.

“Там што, забаронена стаяць людзям? — абураецца спадар Шчукін. — Ніякіх абмежаванняў адносна гэтай плошчы не было. Але ўсіх, хто там быў, акружылі АМАПаўцаў і забралі. Хапалі нават журналістаў, на пасведчанні ніхто і не глядзеў. Сілавікі перакрылі тратуар уздоўж праспекта, народ не ведаў, што рабіць, пачалі збівацца ў кучу. Пасля гэтага людзей спачатку пачалі выхопліваць па аднаму, а затым, калі пад’ехала больш тэхнікі, грузілі ўжо “пачакамі”. Мне здаецца, каля 100 чалавек забралі з таго месца. І, паколькі ў мяне не той характар, каб па сваёй волі адпраўляцца ў “аўтазак” (нас адпраўлялі ў аўтобус), то пачалі ў адносінах да мяне ўжываць сілу”.

Калі сілавікі цягнулі Валерыя Шчучкіна па асфальце, то моцна пашкодзілі яму руку.

“Затрымалі ў Першамайскім раёне, але адвезлі ў Заводскі РУУС, — працягвае аповед суразмоўца. — Там трымалі некалькі гадзін. Усіх на вуліцы паставілі да сценкі, але я адмовіўся гэта зрабіць, таму сеў на асфальт і так прасядзеў дзве гадзіны. Яны мяне, афіцэра, хацелі напалохаць? Не праз такое праходзіў…”

palitviazni.info

Абмеркаванне:

  • ВР
  • 2017-03-28 14:45:14
Крыху пра В. Шчукіна і яго ўдзел у акцыі 15 сакавіка: http://belisrael.info/?p=10090

Каментаваць