Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

Місія выканальная? Перамовы з МВФ прыпыненыя праз «разыходжанні ў пазіцыях»

Місія Міжнароднага валютнага фонду будзе працаваць у Мінску з 26 кастрычніка па 10 лістапада, паведамляе прадстаўніцтва МВФ у Беларусі.
У прадстаўніцтве фонду растлумачылі, што эксперты МВФ прыедуць для правядзення штогадовых кансультацый па IV артыкуле, піша БЕЛТА.

Як паведамляў напярэдадні першы намеснік міністра фінансаў Беларусі Максім Ермаловіч, перамовы па новай праграме з фондам пакуль прыпыненыя.

«Праца над падрыхтоўкай праграмы прыпыненая, таму што фактычна праграма гатовая, перамовы па ёй завершаны. Ёсць разыходжанні ў пазіцыях, і гэтыя разыходжанні мы працягваем збліжаць, зараз кожны ў сваёй частцы. Аднаўленне будзе магчыма толькі пасля таго, як мы зробім запыт аб працягу праграмы і правядзем шэраг спецыяльных дзеянняў, выкананне якіх прадугледжана праграмай сацыяльна-эканамічнага развіцця», — расказаў першы намеснік міністра.

Пры гэтым ён растлумачыў, што Мінфін працягвае супрацоўніцтва з Міжнародным валютным фондам у рамках работы над параметрамі бюджэтнай збалансаванасці і рэалізацыі падаткова-бюджэтнай палітыкі.

«Мы вядзем супрацоўніцтва з МВФ і па тэхнічнай дапамозе, па падтрымцы праектаў, што рэалізуюцца Мінфінам», — дадаў першы намеснік міністра.

У апошні раз місія МВФ працавала ў Беларусі 5-12 чэрвеня. Эксперты фонду на чале з кіраўніком місіі па Беларусі Пітэрам Долманам абмеркавалі з прадстаўнікамі органаў дзяржкіравання эканамічную сітуацыю ў краіне, а таксама актуальныя пытанні ўзаемадзеяння, у прыватнасці, падрыхтоўку да штогадовых кансультацый па IV артыкуле, якія адбудуцца ўвосень 2017 года.


Паводле belaruspartisan.org

Каментаваць