Мясніковіч — пра крыптавалюты і тэхналогію блакчэйн: Я ў гэта веру

Старшыня Савета Рэспублікі Міхаіл Мясніковіч заявіў, што лічыць ІТ-краіну магутным нацыянальным праектам. Такім чынам ён пракаментаваў дэкрэт Аляксандра Лукашэнкі "Аб развіцці лічбавай эканомікі".

"Мы яшчэ нават не можам меркаваць, наколькі гэта будзе сур'ёзна і запатрабавана і як гэта ацаніць у грошах. Але я лічу, што за гэтым будучыня", — заявіў палітык у інтэрв'ю праграме "Галоўны эфір", якое выйшла на тэлеканале "Беларусь 1" увечары 24 снежня.

Калі ў Мясніковіча запыталіся пра яго стаўленне да крыптавалют і тэхналогіі блакчэйн, ён адказаў: "Я ў гэта веру". Старшыня Савета Рэспублікі прызнаўся, што сочыць за курсам біткоіна — самай вядомай і папулярнай крыптавалюты.

Мясніковіч бачыць вялікія перспектывы за крыптавалютнымі біржамі і фондамі. На яго думку, якую перадае tut.by, грамадства стамілася "ад валютнай закантраляванасьці, ад таго, што на валютны рынак моцна ўплывае палітыка".

Палітык заклікаў не палохаць людзей новымі тэхналогіямі і будучымі скарачэннямі на рынку працы. Па яго словах, інфармацыйна-камунікацыйныя тэхналогіі — гэта ўжо не проста тэхналогіі, а асяроддзе, у якім існуе і прамысловасць, і побыт.

euroradio.fm

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • ВР
  • 2017-12-25 12:22:59
Думкі пра рознае, у т. л. пра экс-кіраўніка Акадэміі навук: http://belisrael.info/?p=13427 Пра дэкрэт і не толькі: http://belisrael.info/?p=13498

Каментаваць