Расійскі рубель на адкрыцці таргоў працягнуў падзенне

На Беларускай валютна-фондавай біржы ў 10 гадзін у пятніцу стартавалі чарговыя таргі валютамі. Расійскі рубель, які ўчора патаннеў на фоне навіны аб увядзенні санкцый ЗША ў дачыненні да Расіі адразу на 1,86%, працягнуў падзенне.

 

Фота: Вольга Шукайла, TUT.BY

Па стане на 10.20 расійскі рубель апусціўся яшчэ амаль на 1%, або на BYN0,0285, да 3,0677 беларускага рубля за 100 расійскіх рублёў, па дадзеных БВФБ. Гэта мінімальнае значэнне з лістапада 2016 года. А сёння ў 12.04 расійскі рубель каштаваў 3,0747 беларускага рубля за 100 расійскіх рублёў.

Ад нізкага курсу расійскага рубля больш за ўсё пакутуюць беларускія экспарцёры, якія арыентуюцца на рынак суседняй краіны.

Долар працягнуў даражэць.

Курс долара пасля адкрыцця гандлю на Маскоўскай біржы перавысіў 67 руб. У апошні раз па такой цане долар таргаваўся ў жніўні 2016 года, піша РБК.

У курсаўтварэнні Нацбанк выкарыстоўвае механізм згладжвання дзённых ваганняў курсу рубля да кошыка валют, у якой удзельная вага расійскага рубля складае 50%, долара ЗША — 30%, еўра — 20%.

Паводле news.tut.by

Хочаце ведаць больш? Сачыце за нашымі публікацыямі ў Telegram і Facebook!

Каментаваць