Савет міністраў: Найгоршая сітуацыя на рынку працы — на Віцебшчыне

Савет міністраў вызначыў у краіне тэрыторыі з напружанай сітуацыяй на рынку працы. У Віцебскай вобласці іх 15 — больш, чым у іншых рэгіёнах.


Да праблемных у плане беспрацоўя месц адносяцца Віцебск, Наваполацк, а таксама 13 раёнаў: Бешанковіцкі, Верхнядзвінскі, Гарадоцкі, Докшыцкі, Міёрскі, Аршанскі, Полацкі, Пастаўскі, Сенненскі, Талачынскі, Чашніцкі, Шаркаўшчынскі, Шумілінскі.

Для параўнання: у Брэсцкай вобласці такіх тэрыторый 10, у Гомельскай - 6, у Гродзенскай - 4, у Мінскай - 7, у Магілёўскай - 6.

Пры аднясенні тэрыторыі да праблемнай, у прыватнасці, улічвалі ўзровень зарэгістраванага беспрацоўя, колькасць беспрацоўных, якія шукаюць працу больш за год, прапорцыя колькасці прынятых работнікаў да колькасці звольненых.

Паводле «Нашай Нівы»


Хочаце ведаць больш? Сачыце за нашымі публікацыямі ў Telegram і Facebook!

Каментаваць