Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

У рэгіёнах Беларусі пройдзе серыя бізнес-гульняў

У рэгіёнах Беларусі пройдзе серыя бізнес-гульняў для садзейнічання прадпрымальнікам у прасоўванні бізнесу ў інтэрнэце. Першая такая сустрэча пройдзе ў Гродне 16 лістапада, дзе, як чакаецца, каля сотні прадпрымальнікаў змогуць бясплатна паслухаць лекцыі ад экспертаў, атрымаць кансультацыю ад прадстаўніка падатковых органаў.
Ілюстрацыйны здымак

Ілюстрацыйны здымак



Мерапрыемства правядзе найбуйнейшая пляцоўка аб`яў "Куфар" пры падтрымцы Міністэрства па падатках і зборах і Міністэрства эканомікі, паведамляе камунікацыйнае агенцтва "АГТ".

Паводле інфармацыі арганізатараў, праект створаны, каб стымуляваць развіццё малога бізнесу і лічбавай эканомікі ў краіне. У прыватнасці, ён дапаможа прадпрымальнікам перавесці свой бізнес у онлайн.

«Рынкі і гандлёвыя цэнтры з кожным годам атрымліваюць усё менш трафіку, спажыўцы «мігрыруюць» у інтэрнэт. Каб «заставацца ў справе», беларускім прадпрымальнікам давядзецца таксама выходзіць у анлайн. А наш праект падасць пакрокавы гайд для пачатку эфектыўных і легальнай працы ў сеткі», - адзначыў начальнік упраўлення камерцыі і маркетынгу пляцоўкі аб`яў "Куфар" Ілля Жукавец.

Мерапрыемства пройдзе ў новым для рэгіёна фармаце, які сумясціць адукацыйную частку з бізнесам-гульнёй. Прадпрымальнікам прапануюць праверыць сваю кемлівасць з дапамогай 35 пытанняў аб бізнесе, прасоўванні, рэкламе і онлайн-тэхналогіях, а таксама замацаваць атрыманыя ад экспертаў веды ў інтэрактыўнай форме.

Папярэднічаць віктарыне будзе выступленне экспертаў бізнес-школы і кансалтынгавых кампаній. Яны падкажуць, як вывесці бізнес у онлайн і атрымаць заказы ў інтэрнэце. Спецыялісты дапамогуць разабрацца ў тыпах падатках, тэрмінах плацяжоў і льготах. Кожны ахвотны зможа прама на месцы атрымаць кансультацыю і выбраць аптымальную для яго сістэму падаткаабкладання.

«Рамеснікі, ІП і прадстаўнікі сярэдняга бізнесу, якія наведаюць мерапрыемства, атрымаюць не толькі карысныя лайфхакі, але і рэальную дапамогу ў развіцці сваёй справы, — растлумачыў Ілля Жукавец. — Важна, што ў праекце ўдзельнічаюць прадстаўнікі дзяржорганаў, што дазваляе бізнесу і дзяржаве весці адкрыты дыялог».

Першая бізнес-гульня пройдзе 16 лістапада з 18 гадзін у Гродне ў рэстаране "Бакст". Прыняць у ёй удзел можна бясплатна, аднак патрабуецца папярэдняя рэгістрацыя. Усім ахвотным раяць паспяшацца, бо колькасць месцаў абмежавана. Запоўніць заяўку можна на старонцы праекта (business.kufar.by/game).

Паводле БелаПАН

Каментаваць