Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

Абрабавалі дырэктарку “Белсату”

Панішчылі ды абрабавалі варшаўскую кватэру дырэктаркі каналу “Белсат Агнешкі Рамашэўскай.

Панішчылі ды абрабавалі варшаўскую кватэру дырэктаркі каналу “Белсат Агнешкі Рамашэўскай.

Невядомыя злачынцы папсавалі маёмасць. На думку Агнешкі Рамашэўскай, да звычайнага крадзяжу гэта не падобна. Дзверы ў кватэру злачынцы адчынілі прафесійнымі адмычкамі. Беспарадак пакінулі ва ўсіх пакоях без выключэння. Паўсюль — параскіданыя рэчы, кнігі, паперы. Са словаў паліцыі, усё рабілі ў пальчатках, бо адбіткаў пальцаў не знайшлі. Пры гэтым забралі найбольш танныя рэчы, а даражэйшыя — тэхніка, сямейнае срэбра, мабільныя тэлефоны — засталіся некранутымі. Усе ж скрадзеныя рэчы (3 залатыя ланцужкі ды некалькі срэбных пярсцёнкаў), як цвердзіць Агнешка Рамашэўская, не былі схаваныя, іх не трэба было шукаць ва ўсёй кватэры. На кухні злачынцы разаслалі кашулю з надпісам “Небяспека: журналіст на працы. Паліцыя, як і Агнешка Рамашэўская мяркуюць, што, магчыма, гэта крадзеж. Аднак не выключана, што здарэнне магло адбыцца на замову беларускіх спецслужбаў, якія неаднаразова пераследавалі журналістаў і працаўнікоў тэлеканалу.

Барыс ЖАЎТКОЎ

Каментаваць