Абвешчана сімволіка адзначэння стагоддзя БНР

Нацыянальны аргкамітэт зацвердзіў эмблему і сімволіку святкавання 100-годдзя БНР. Яна будзе выкарыстоўвацца для аздаблення візуальнай прадукцыі, падчас акцый, святочных і творчых мерапрыемстваў, паведамляе Радыё Свабода.

На афіцыйнай эмблеме святкавання стагоддзя БНР змешчаны герб Пагоня, які сустракаецца на пячатках, бланках і іншых дакумэнтах Рады БНР у эміграцыі. Аздабляе эмблему надпіс «Беларуская народная рэспубліка — 100 гадоў аднаўлення незалежнасці. 1918-2018».

Сярод сябраў Нацыянальнага аргкамітэту была гарачая дыскусія над надпісам знізу на галоўнай эмблеме, вырашылі змясціць надпіс «100 гадоў аднаўлення незалежнасці». Былі прапановы «100 гадоў незалежнасці», «100 гадоў абвяшчэння незалежнасці», але спыніліся на «аднаўленні».

Ідэя лагатыпу да стагоддзя БНР належыць кіраўніку крамы symbal.by і сябру Нацыянальнага аргкамітэту Паўлу Белавусу. Дапамог усё зрабіць і ўзнавіць выяву з малюнкаў, бланкаў і пячатак вельмі дрэннай якасці графітыст Макс Пякарскі. Мастацкая камісія на чале з Алесем Марачкіным дапрацавала яго і стварыла асноўную эмблему.

«Выпадкова, яшчэ летам 2017-га, я трапіў на дакументы Беларускай эміграцыйнай калекцыі. Там я і заўважыў прыгожую дынамічную „Пагоню“, якая сустракаецца на дакументах Рады БНР, Сусветнага аб’яднання беларускай эміграцыі ды іншых арганізацый па-за межамі Беларусі. Тады і нарадзілася ідэя ўзяць гэтую „Пагоню“ для фірмовага стыля святкавання 100-годдзя БНР, бо яна рэальна выкарыстоўвалася ў рознай дзейнасці БНР на працягу ўсіх 100 гадоў у шматлікіх краінах свету», — распавёў Павел Белавус.

Спампаваць сымболіку святкавання 100-годдзя БНР у вэктарным і растравым фарматах можна тут. Воблачны архіў даступны для шырокага выкарыстання і будзе дапаўняцца дызайнамі разнастайнай прадукцыі: плакаты, налепкі, паштоўкі, банэры і іншае.

Прапановы і дызайны з выкарыстаннем эмблемы Нацыянальны аргкамітэт па святкаванні стагоддзя БНР заклікае публікаваць у сацыяльных сетках з тэгам #БНР100 ці дасылаць на скрынку artsiadziba@gmail.com.

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • Anatol Starkou
  • 2018-02-08 12:19:49
Авал і надпіc над ім трэба убраць. На месцы чырвонай лініі напісаць чырвонымі літарамі Беларускай Народная Рэспубліка.
  • Anatol Starkou
  • 2018-02-08 12:21:13
Авал і надпіc над ім трэба убраць. На месцы чырвонай лініі напісаць чырвонымі літарамі Беларуская Народная Рэспубліка.
  • GI
  • 2018-02-09 15:43:30
Да, согласен, так будет лучше. Смотря на эмблему, кажется, что усеченный круг над всадником ограпичивает пространство для него(всадника), забирает стремительность. Не очень удачное решение, особенно для символа. А вообще, этот всадник смотрится стремительнее, чем тот что был когда-то на гербе. Тот был какойто вальяжный, спокойный, сытый.

Каментаваць