Алексіевіч абвінаваціла кіраўніка ФСБ у рэабілітацыі дзейнасці чакістаў

Літаратары і дзеячы культуры выступілі супраць адраджэння таталітарных традыцый мінуўшчыны і рэабілітацыі дзейнасці чакістаў.

Фота www.svoboda.org

Нагодай для іх заявы стала інтэрв'ю кіраўніка ФСБ Аляксандра Бортнікава, якое ён нядаўна даў "Российской газете". Заяву падпісалі больш за 80 чалавек — чальцы асацыяцыі "Свабоднае слова", а таксама літаратары, якія далучыліся да іх, паведамляе colta.ru.

Пад заявай падпісаліся лаўрэат Нобелеўскай прэміі пісьменніца Святлана Алексіевіч, пісьменнікі Віктар ШандаровічДзяніс ДрагунскіЛюдміла Уліцкая, літкрытык Аляксандр Архангельскі, паэты Сяргей ГандлеўскіЛеў Рубінштэйн ды іншыя.

Інтэрв'ю Бортнікава яны характарызуюць як "важны этап у кампаніі па рэабілітацыі дзейнасці чакістаў, як імкненне адкрыта вывесці працэс паўзучай сталінізацыі на дзяржаўны ўзровень".

"Спробы апраўдаць дзяржаўны тэрор, які ажыццяўляў ВЧК-АДПУ-НКУС-МДБ і ўнесла жыцці мільёнаў нявінных грамадзян нашай краіны, мы лічым недапушчальнымі", — гаворыцца ў заяве.

Інтэрв'ю Бортнікава з'явілася 20 снежня — у дзень нараджэння бальшавіцкай ВЧК. У ім дырэктар ФСБ заявіў, што не варта "адхрышчвацца ад слова чакіст", бо гэта "ўсё адно што даводзіць да агульнага забыцця пакаленні нашых папярэднікаў". Гаворачы пра сталінскія рэпрэсіі 1930-х гадоў, Бортнікаў звяртаў увагу на чысткі ў НКУС, а не на масавыя рэпрэсіі іншых грамадзян. Ён дадаў, што "архіўныя матэрыялы сведчаць пра наяўнасць аб'ектыўнага боку ў значнай частцы крымінальных спраў, у тым ліку тых, якія леглі ў аснову вядомых адкрытых працэсаў".

euroradio.fm



Абмеркаванне:

  • ВР
  • 2017-12-26 12:37:25
Лупцаваць расійскіх чыноўнікаў - вядома, годны занятак для грамадзянкі РБ. Аднак нешта я не чуў каментарыяў ноб. лаўрэаткі з нагоды аналагічнага (і нават больш адыёзнага) выступу нашай "першай асобы" перад чэкістамі ў Мінску 15.12.2017. Пра выступ крыху напісана тут: http://belisrael.info/?p=13475

Каментаваць