БАЖ развітваецца з Дзмітрыем Парфіновічам

30 жніўня нечакана спынілася сэрца Дзмітрыя Парфіновіча, сябра ГА «Беларуская асацыяцыя журналістаў».

Яму было ўсяго 47 гадоў.

Дзіма працаваў у нашай арганізацыі з першага дня яе заснавання. Ён не быў публічнай асобай, але яго ведалі бадай усе сябры БАЖа — і ў Мінску, і ў рэгіёнах. Не толькі таму, што ён выконваў безліч самых розных арганізацыйных спраў. Дзіма быў чалавекам, да якога заўсёды можна было звярнуцца па дапамогу, параду, падтрымку.



30 жніўня нечакана спынілася сэрца Дзмітрыя Парфіновіча, сябра ГА «Беларуская асацыяцыя журналістаў».

Яму было ўсяго 47 гадоў.

Дзіма працаваў у нашай арганізацыі з першага дня яе заснавання. Ён не быў публічнай асобай, але яго ведалі бадай усе сябры БАЖа — і ў Мінску, і ў рэгіёнах. Не толькі таму, што ён выконваў безліч самых розных арганізацыйных спраў. Дзіма быў чалавекам, да якога заўсёды можна было звярнуцца па дапамогу, параду, падтрымку.

Пайшоў з жыцця вясёлы, адкрыты, добразычлівы чалавек. Наш сябра, наш паплечнік.

Калектыў офіса БАЖ — гэта не проста кола супрацоўнікаў. Гэта адна сям’я, у якой людзі звязаныя самымі цёплымі і блізкімі стасункамі і дзе кожную страту перажываюць як асабістае гора.

Мы ўсе горка смуткуем разам з блізкімі Дзімы і выказваем шчырае спачуванне яго родным і сваякам.

Яго будзе страшэнна не хапаць кожнаму з нас.

Светлая табе памяць, Дзіма, і нізкі паклон.

ГА «Беларуская асацыяцыя журналістаў»

Каментаваць