Беларусы далучацца да тыдня супраць расізму

12-21 сакавіка 2016 г. Моладзевая Праваабарончая Група-Беларусь (МПГ-Беларусь) далучаецца да агульнаеўрапейскага Тыдню супраць расізму і правядзе шэраг мерапрыемстваў, накіраваных на барацьбу з праявамі дыскрымінацыі. Семінары і кінапрагляды ахопяць не толькі Менск. Да тыдню далучыцца Гомель, Баранавічы і нават Вільня.



Актуальна  і важна па шматлікіх прычынах. Але ўзяць хаця б адну з іх і ўсё стане зразумелым: зараз мы так ці інакш сутыкаемся з мігранцкімі працэсамі вакол нас, сацыяльны негатыў часта ўзрастае і варта адразу гэта адсочваць, замяраць, актуалізаваць і не дазваляць прамога выхаду агрэсіі. Бо наступствы могуць быць проста катастрафічнымі,” - упэўнена адна з арганізатарак Тыдню ў Беларусі Наста Лойка.

Арганізатары прапаноўваюць далучацца да мерапрыемстваў у розных гарадах:

14 сакавіка (панядзелак) у Менску а 19:00 распачнецца Ўводны курс у канцэпцыю «Human Integrity» («Гуманітарны антыфашызм»). Падчас семінара мы паразмаўляем пра тое, што такое сучасны фашызмрасізм і як яму супрацьстаяць. Разбярэмся ў фашызойдных тэндэнцыях і зразумеем, як працаваць над сабой і стрымліваць свайго “унутранага фашысціка”. Што яшчэ за ён? Чакаем Вас 14 сакавіка. Заяўку можна запоўніць па спасылцы (дэдлайн прыёму заявак – 13.03). Усю падрабязную інфармацыю Вы атрымаеце на сваю электронную пошту пасля рэгістрацыі.

16 сакавіка (серада) такой жа Ўводны курс у «Human Integrity» пройдзе ў Вільні. Семінар пачнецца а 19:00 у ЕГУ. Анкету таксама можна знайсці па спасылцы  (прыём заявак да 15.03). А 19 сакавіка (субота) сумесна з ініцыятывай "Актыўным Быць Файна” дадзены семінар можна прайсці у Гомелі. Анкета для ўдзелу па той жа спасылцы (дэдлайн – 18.03). Пачатак а 17:00.Акрамя семінараў МПГ-Беларусь прапануе далучыцца да праглядаў фільмаў з дыскусіяй на заяўленаю тэматыку.

Першы кінапрагляд адбудзецца 17 сакавіка (чацвер) па адрасу: Мінск, вуліца Мяснікова 35. Дадзенае мерапрыемства ладзіцца сумесна з МАЦ “Фіальта” і пачнецца а 19:00. Маладыя праваабаронцы прапануюць Вашай ўвазе фільм "Няскораны" (анг. Invictus) — біяграфічную драму, заснаваную на эпізодзе з жыцця Нэльсана Мандэлы, які меў месца падчас 3-га чэмпіянату свету па рэгбі ў 1995-ым годзе. У дадзеным фільме падымаецца тэма пераадолення мінулага, звязанага з апартэідам і расізмам.

Наступным днём - 18 сакавіка (пятніца) - а 19:00 пачнецца кінапрагляд фільму “Гран Тарына” у Гомелі. Мерапрыемста з дыскусіяй пройдзе ў Анты-кафэ "Manhattan" (вул. Працоўная, 3а). Партнерам выступіць мясцовы ТБМ. Фільм “Гран Тарына” распавядае пра ветэрана Карэйскай вайны Уолта Кавальскага, які жыве ў адзіноце ў старым доме. Амерыканцы пакінулі яго квартал, і цяпер вакол яго жывуць адныя азіяты – тыя, з кім ён усё жыццё ваяваў. Здаецца, што ён незаўважна дажыве свой век. Да таго дня, калі нехта спрабуе скрасці ягоны аўтамабіль Гран Тарына…

20 сакавіка (нядзеля) кінапрагляд будзе ладзіцца ў Баранавічах. Гледачам прапануецца фільм “Сэрца ільва”. Вы прызвычаіліся жыць па сваіх правілах і згодна сваім ідэалам. Здаецца, што жыццёвы шлях вызначаны і усё стабільна. Аднак, здараецца сітуацыя, вынік якой пераўзыходзіць усе чаканні. Вы вагаецеся і не ведаеце, як паступіць: заставацца верным сабе ці ламаць стэрэатыпы і прымаць усе разнастайнасці існуючага свету? Мерапрыемства распачнецца а 17:00, сустрэча ў кантакце па спасылцы.

Паводле інфармацыі з прэс-рэліза.

Каментаваць