Чыгуначны вакзал у Гродне: плюсы і мінусы рэканструкцыі

Рэканструкцыя чыгуначнага вакзалу і прывакзальнай плошчы ў Гродне пачалася ў сакавіку 2012 года і ўжо прычыняе жыхарам горада шмат нязручнасцяў.



Рэканструкцыя чыгуначнага вакзалу і прывакзальнай плошчы ў Гродне пачалася ў сакавіку 2012 года і ўжо прычыняе жыхарам горада шмат нязручнасцяў.

З-за перанесеных прыпынкаў жыхары горада блытаюцца з маршрутамі гарадскога транспарту, шмат аўтобусаў і маршрутных таксі сталі спыняцца каля будынка раённага вузла сувязі, што прычыняе нязручнасць іншым удзельнікам дарожнага руху. Касы чыгуначнага вакзала перанеслі ў асобны будынак у 100 метрах ад вакзала, што таксама дастаўляе нязручнасць гараджанам. Праблема дадзеных касаў таксама ў тым, што іх праца вельмі складаная: заўсёды з 6-ці касаў працуюць 2 альбо 3, а астатнія зачыненыя на тэхналагічны перапынак, альбо на абед.

Адначасова з рэканструкцыяй плошчы каля вакзала пачаліся працы ў цэнтральнай частцы будынка. Па праекце на першым паверсе будзе арганізавана два блокі кас: адразу каля ўваходу справа – для прыгарадных маршрутаў, а наадварот — для далёкіх рэйсаў. Старую лесвіцу, якая вядзе на другі паверх, дэмантуюць і збудуюць новую.

Платную зону чакання, што існавала на другім паверсе, перанясуць на супрацьлеглы бок, замест яе размесцяць каля сотні звычайных сядзенняў. На месцы былога рэстарана “Гродна зробяць інтэрнэт-кафэ на 40 месцаў з барнай стойкай, у цэнтры — фантан. Тут жа абсталююць 8 інтэрнэт-кабінак. За кафэ размесціцца канферэнц-зала прыкладна на 50 чалавек.

Аднак жыхароў горада турбуе тое, што сама рэканструкцыя пачалася па самаму таннаму варыянту. Пры новай пабудове каля вакзала будзе пераважаць пешаходная зона, а транспартная звузіцца да стаянкі таксі і турыстычных аўтобусаў на 76 месцаў. А вось праезная частка вакол плошчы павялічыцца. З боку вуліцы Ціміразева плануецца абсталяваць кішэню на 24 аўтамесцы, а насупраць крамы “спартыўныя тавары на 12 машына-месцаў. Гарадскія аўтобусы будуць спыняцца на вуліцах, што прымыкаюць да плошчы.

Максімальна захаваюць існуючыя зялёныя насаджэнні. Дадаткова на плошчы высадзяць 32 шарападобныя і 8 заходніх туй, 48 кустоў ядлоўца, а таксама каштаны і клёны. Ігар Арцыман асабліва падкрэсліў, што пры рэканструкцыі прывакзальнай плошчы прадугледжаны ўстаноўка бетонных дарожных, тратуарных і гранітных бартоў, прымяненне дробнаштучнай бетоннай пліткі некалькіх тыпаў рознай канфігурацыі і колеру.

Дадзеная рэканструкцыя ўжо выклікала абурэнне на гарадскім блогу S13.ru і на гарадзенскім форуме, дзе многія жыхары разважаюць пра тое, што колькасць асабістага транспарту ў горадзе павялічваецца з кожным годам, а праект рэканструкцыі не ўлічвае дадзенага факту.

Спадзяванні на тое, што на месцы старога вакзала, якому ужо каля 30 год паўстане новы сучасны будынак разбіліся аб надзеі і спадзяванні жыхароў горада над Нёманам.

Паводле сайта “Белорусские региональные новости

Каментаваць