#FreeSentsov: акцыя ў падтрымку ўкраінскага рэжысёра і ў Мінску

Беларускі ПЭН-цэнтр разам з Культурным центрам "Корпус" і ініцыятывай РосУзник запрашае на сустрэчу, прысвечаную Алегу Сянцову — украінскаму кінарэжысёру, сцэнарысту і пісьменніку.

У праграме: кароткая лекцыя Максіма Жбанкова пра ўкраінскі кінематограф і месца Сянцова ў ім, аповед Яны Ганчаровай пра перапіску з Алегам Сянцовым і сітуацыю з іншымі палітзняволенымі, прагляд фільма Алега Сянцова «Гамер» і дыскусія.

Сустрэча адбудзецца 26 лютага, пачатак у 20:00. Культурны цэнтр Корпус (праспект Машэрава 9, корпус 8).

Гэтае мерапрыемства будзе цікава неабыякавым і людзям з абвостраным пачуццём справядлівасці: можна будзе даведацца, хто такі Алег Сянцоў і за што ён атрымаў 20 год калоніі строгага рэжыма, а таксама што думае пра ўсё гэта сам Алег. Яна Ганчарова, якая перапісваецца з Алегам, раскажа пра ягоныя лісты. Вы не толькі даведаецеся, як дапамагчы Алегу і ягонай сям'і, але і зможаце напісаць яму ліст проста падчас сустрэчы. Паверце, лісты шмат значаць для палітзняволеных, бо ўвасабляюць вашую падтрымку і салідарнась;

Таксама запрашаюцца аматары кіно: Максім Жбанкоў абазначыць месца Алега ў кінематографе Украіны, а таксама адкажа на пытанні гледачоў пасля прагляду дэбютнага фільма Алега Сянцова "Гамер" — стужка ўдзельнічала у міжнародных кінафестывалях і была высока адзначаная крытыкамі;

Аматары літаратуры змогуць набыць кнігу Алега (а выручаныя сродкі будуць накіраваныя сям'і Сянцова). Апавяданні Алега Сянцова ўпершыню будуць прэзентаваныя па-беларуску.

Увага: для таго, каб набыць кнігу, футболку ці байку, трэба да 21 лютага пакінуць перадзамову.

Сустрэча пройдзе ў межах сусветнай акцыі, арганізаванай PEN America 26 лютага, у гадавіну анэксіі Крыма. У гэты дзень па ўсім свеце пройдуць чытанні, пратэсты і іншыя мерапрыемствы ў падтрымку Алега Сянцова і іншых палітычных зняволеных, якія адбываюць тэрміны ў Расіі.

Далучайцеся 26 лютага да акцый у яго падтрымку па ўсім свеце #FreeSentsov.

Паводле прэс-рэлізу

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • Украинка
  • 2018-02-15 00:18:22
Спасибо, Беларусь.

Каментаваць