Хочаш правесці яшчэ акцыю, прыйдзецца адказаць за папярэднюю

Як толькі актывіст Грамадзянскай ініцыятывы супраць беззаконня ў судах і пракуратуры з Бабруйску Алесь Каваленка падаў заяўку на пікетаванне, яму адразу нагадалі пра ўдзел у мінулай акцыі.

 

Нагадаем, 12 мая на плошчы Свабоды ў Мінску 67-гадовы пенсіянер правёў адзіночны несанкцыянаваны пікет. Алесь Каваленка выйшаў на акцыю з плакатам. “Чыноўнікі  суда, дайце адказы на пытанні майго сына і яго адваката. Хопіць хавацца за адпіскамі”.

 

Сын спадара Алеся адседзеў за кратамі 12 з 18 гадоў прысуду па абвінавачванні ў забойстве. Нягледзячы на тое, што Генеральная пракуратура краіны апратэставала гэты прысуд, Вярхоўны суд не толькі адхіліў пратэст Генпракуратуры, але і не дае адказы па сутнасці пытанняў, пастаўленых у зваротах асуджанага і ягонага адваката.

 

Апроч таго, па сфабрыкаваным абвінавачванні ў распаўсюдзе наркотыкаў бацька асуджанага Алесь Каваленка быў закратаваны на 9 гадоў, аднак праз 3 гады і 2 месяцы быў вызвалены, рэабілітаваны і атрымаў грашовую кампенсацыю за матэрыяльную і маральную шкоду ад незаконнага прысуду.

 

Усё гэтыя пакуты адмоўна адбіліся на здароўі бацькоў асуджанага і дабрабыце сям’і.

 

Алесь Каваленка перажыў аперацыю і інфаркт, зараз пакутуе ад экземы рук. З-за перажыванняў захварэла і маці асуджанага — спадарыня Валянціна Каваленка.

 

Каб аплаціць паслугі адваката, сям’я вымушаная была прадаць прыватызаваную трохпакаёўку і зараз туліцца ў прыдбаным старым драўляным доме, які патроху добраўпарадкуецца.

 

Трэба мець на ўвазе, што бацька Алеся Каваленкі — баявы лётчык, які прайшоў усю Вялікую Айчынную вайну ад першага дня да апошняга, адзначаны многімі баявымі ардэнамі і медалямі, змагаўся за краіну, дзе шануюць, паважаюць і па-справядліваму ставяцца да грамадзян.

 

Роўна месяц спадара Алеся ніхто не турбаваў з нагоды пікету, што адбыўся ў Мінску 12 мая. Аднак усё змянілася пасля таго, як 8 чэрвеня Алесь Каваленка звярнуўся ў Мінгарвыканкам з заяўкай на новую акцыю супраць адпісак чыноўніцтва, запланаваную на 23 чэрвеня ў цэнтры сталіцы.

 

Праз некалькі дзён, 12 чэрвеня, нягледзячы на выходны, спадару Алесю патэлефанавалі з мясцовай міліцыі наконт неабходнасці ўзяць тлумачэнні па акцыі 12 мая.

 

У каментары НЧ юрыстка Тамара Сяргей зазначыла, што сітуацыя з Алесем Каваленкам яшчэ раз пацвярджае: актывісты Грамадзянскай ініцыятывы супраць беззаконня ў судах і пракуратуры знаходзяцца пад няспынным кантролем з боку праваахоўных органаў.  

 


Абмеркаванне:

  • Валентина
  • 2016-06-13 19:39:06
Они уже и не скрывают, что в стране главенствует не закон, а понятия чиновников. Они уже не скрывают, что милиция служит им, и охраняет их паутину беззакония от законопослушных граждан, от тех, кто уважает Конституцию страны.













  • яковлевич
  • 2016-06-14 07:02:18
Первые годы советской власти. Правители со всех трибун обещали "светлое будущее" простому народу. В действительности от голода и репрессий миллионы легли в сырую землю. Предвоенные годы. Правители обещали счастливую жизнь простому народу, но по городам ночью ездили "черные вороны" и лучшие представители народа были уничтожены. Послевоенные годы. Правители обещали построить коммунизм в ближайшее время и построили его , но только для себя. Народ ждал, подождет еще. Наше время. Правители обещают рост благосостояния народа, высокие зарплаты, достойную старость, верховенство закона. Мы имеем постоянное ухудшение уровня жизни, неподъемные штрафы, сотни незаконно осужденных. Может хватит верить лживым обещаниям и начать думать своей головой.

Каментаваць