Кіроўца снегаўборачнай машыны, у якую ўрэзаўся самалёт, быў п'яны

Як высветлілі следчыя, кіроўца снегаўборачнай машыны, у якую ўрэзаўся самалёт бізнес-авіяцыі Falcon, быў п'яны. Пра гэта заявіла прэс-служба Следчага камітэта са спасылкай на Уладзіміра Маркіна.



Reuters/Scanpix


Акрамя таго, афіцыйны прадстаўнік СКР Уладзімір Маркін яшчэ сярод магчымых прычынаў катастрофы  якія разглядаюцца Следчым камітэтам Расіі, назваў памылку дыспетчараў, неспрыяльныя ўмоў надвор'я і памылкі пілатавання.

"У цяперашні час ужо ўстаноўлена, што вадзіцель снегаўборачнай машыны знаходзіўся ў стане алкагольнага ап'янення. Акрамя таго, магчыма, будзе прынята рашэнне аб адхіленні шэрагу супрацоўнікаў аэрапорта ад выканання абавязкаў на перыяд расследавання крымінальнай справы", — сказаў Уладзімір Маркін.
 

У цяперашні час следчыя адбіраюць тэхнічныя дакументы на самалёт і пробы паліва з запраўшчыка, а таксама дапытваюць у якасці сведак супрацоўнікаў Унукава.
 

Нагадаем, на борце самалёта знаходзіліся адзін пасажыр, прэзідэнт французскай нафтавай кампаніі Total Крыстаф дэ Маржэры, і тры члены экіпажа. Усе яны загінулі.


Самалёт перавярнуўся пасля таго, як зачапіў снегаўборачную машыну пярэдняй стойкай шасі.

 


Пасля інцыдэнту былі знойдзены "чорныя скрыні" самалёта, а супрацоўнікі аэрапорта напісалі тлумачальныя запіскі датычна таго, што здарылася. Кіроўца снегаўборачнай машыны адразу пасля сутыкнення з самалётам знаходзіўся ў стане шоку.

Паводле расійскіх СМІ

Каментаваць