Кобрын. Верхнядзвінск. Столін. Вільня.

Кобрын. Каўбаса са страусаў

Тэхналогія вытворчасці каўбасы з яек і мяса страусаў распрацоўваецца на кобрынскім мясакамбінаце.

Ідэю перапрацоўнікам падказалі на страусінай ферме, якую збудавала некалькі гадоў таму ў вёсцы Козішча сумеснае беларуска-польскае прадпрыемства. Сёння гэта адна з буйнейшых гаспадарак у Еўропе па вырошчванню гэтай аўстралійскай птушкі на Беларусі.

Напачатку каўбаса будзе вырабляцца невялікімі партыямі, аб’ём якіх вызначыць рынкавы попыт.

Кобрын. Каўбаса са страусаў

Тэхналогія вытворчасці каўбасы з яек і мяса страусаў распрацоўваецца на кобрынскім мясакамбінаце.

Ідэю перапрацоўнікам падказалі на страусінай ферме, якую збудавала некалькі гадоў таму ў вёсцы Козішча сумеснае беларуска-польскае прадпрыемства. Сёння гэта адна з буйнейшых гаспадарак у Еўропе па вырошчванню гэтай аўстралійскай птушкі на Беларусі.

Напачатку каўбаса будзе вырабляцца невялікімі партыямі, аб’ём якіх вызначыць рынкавы попыт.


Верхнядзвінск. Фэст у імя будучыні

На свята мастацтваў «Дзвіна — Двина — Daugava» прыехалі творчыя дзіцячыя калектывы з шэрагу раёнаў Віцебшчыны, а таксама з Масквы і Таліна.

Мерапрыемства арганізавана ў 11-ы раз, прысвечана Году роднай зямлі і прайшло пад назвай «Зямлі маёй замілаванне». Галоўная падзея — традыцыйны конкурс дзіцячых тэатраў «Ззянне». Агулам у горад прыехала 160 юных артыстаў.


Столін. Дэбют юных талентаў

У межах праграмы «Маладыя таленты Беларусі» адбыўся літаратурны конкурс юных паэтаў і празаікаў «Дэбют».

26 навучальных устаноў раёна прадставілі на разгляд журы 80 творчых прац у трох узроставых групах — да 10, 13 і 18 гадоў. Пераможцы названыя, а лепшы творы надрукуюць у зборніку паэзіі і прозы Століншчыны.


Вільня. Захавана памяць пра Каліноўскага

Таварыства беларускай культуры ў Літве атрымала прыемную вестку: крыж, што ўсталяваны на месцы пакарання смерцю Кастуся Каліноўскага, які не быў улічаны пры стварэнні праектаў па рэканструкцыі Лукішскага пляца, будзе захаваны.

Літоўскі ўрад адрэагаваў на заявы таварыства і накіраваў адпаведнае рашэнне ў Міністэрства культуры.

Міністэрства культуры, рэагуючы на пастанову Літоўскага ўрада, разам з Дэпартаментам развіцця горада Віленскай гарадской самаўправы разгледзелі заяву Таварыства беларускай культуры ў Літве і вырашылі, што пры рэканструкцыі Лукішскага пляца будзе звернута ўвага на захаванне месца пашаны Кастуся Каліноўскага. Міністэрства культуры лічыць, што ўсталяваны крыж памяці Кастуся Каліноўскага на Лукішскім пляцы мусіць быць захаваны.

Каментаваць