Лагвінец: Рэжым пачынае спецаперацыю “Размовы пра дыялог”

Апошнімі днямі кіраўнік краіны Аляксандр Лукашэнка, кіраўнік Адміністрацыі прэзідэнта Уладзімір Макей ды міністр замежных спраў Сяргей Мартынаў зрабілі некалькі заяваў датычна наладжвання стасункаў з ЕС. Што за імі стаіць?

"Давайце сядзем спакойна за стол і будзем абмяркоўваць. Размова напэўна не будзе простай і лёгкай для абодвух бакоў. Але не будзем рабіць гэтага — не будзе руху, — заявіў Мартынаў у эфіры тэлеканала “Беларусь–1 8 красавіка.



Апошнімі днямі кіраўнік краіны Аляксандр Лукашэнка, кіраўнік Адміністрацыі прэзідэнта Уладзімір Макей ды міністр замежных спраў Сяргей Мартынаў зрабілі некалькі заяваў датычна наладжвання стасункаў з ЕС. Што за імі стаіць?

"Давайце сядзем спакойна за стол і будзем абмяркоўваць. Размова напэўна не будзе простай і лёгкай для абодвух бакоў. Але не будзем рабіць гэтага — не будзе руху, — заявіў Мартынаў у эфіры тэлеканала “Беларусь–1 8 красавіка.

Па яго словах, “мы гатовыя сядаць і размаўляць на ўсе тэмы.

“Хочаце вы, каб вашыя паслы, якіх вы раптам чамусьці выцягнулі з Беларусі, вярнуліся назад — мы не супраць. Але, натуральна, нам бы хацелася, каб яны займаліся тут не нейкімі закулісным справамі, накіраванымі супраць развіцця нашых адносін", — сказаў кіраўнік МЗС Беларусі.

Па словах Мартынава, “будзе несур'ёзна", калі паслы вернуцца, а Еўрасаюз потым пойдзе на “чарговы набор санкцый.

“Выглядае на тое, што Мінск пачынае спецаперацыю "аднаўленне размоваў пра дыялог з Захадам". Магчыма, ківач ужо ідзе ў адваротны бок, — кажа ў сваім каментары да апошніх заяваў беларускага кіраўніцтва дарадца старшыні Руху “За Свабоду, палітолаг Алесь Лагвінец.

“Нягледзячы на прыхільнасць Крамля, сітуацыя ўнутры краіны не паляпшаецца, а новыя і ранейшыя фігуранты спісу неўязных у краіны ЕС, відаць, не вельмі шчаслівыя, — зазначае Лагвінец.

Разам з тым, на ягоную думку, “рэжым вельмі дбае пра "захаванне твару" ўнутры грамадства і сярод наменклатуры. Таму, кажа Алесь Лагвінец, “зараз мы чуем пусты барабанны бой наконт гатовасці да дыялогу.

Гэта — “тыя самыя савецкія штампы, якія адлюстроўваць няведанне і нежаданне ведаць, як робяцца справы ў цывілізаваным свеце.

Больш за тое, “улады Беларусі граюць вар'ята, бо ўсіх пераконваюць, што дыялог патрэбны Захаду, а не рэжыму, адзначае Алесь Лагвінец.

Паводле pyx.by
 

Каментаваць