Мінпрацы абвяргае чуткі пра павышэнне пенсійнага ўзросту для жанчын да 63 гадоў

Мінпрацы не распрацоўвае прапановы па новым павышэнні пенсійнага ўзросту для жанчын. Пра гэта 21 чэрвеня паведаміў намеснік міністра працы і сацыяльнай абароны Валерый Кавалькоў, перадае БЕЛТА.
Фота: БЕЛТА

Фота: БЕЛТА

Нагодай для заявы чыноўніка сталі нядаўнія чуткі, быццам пасля 2022 года пенсійны ўзрост для жанчын падымуць да 63 гадоў, як і ў мужчын. "Прапановы па гэтым пытанні ў цяперашні час не прапрацоўваюцца", — адказаў на гэта Кавалькоў. Таксама на сёння не абмяркоўваюцца змены ў парадку выплатаў працуючым пенсіянерам.

Нагадаем, што Цяпер у Беларусі адбываецца паступовае павышэнне пенсійнага ўзросту — у адпаведнасці з указам Аляксандра Лукашэнкі №137 "Аб удасканаленні пенсійнага забеспячэння" ад 11 красавіка 2016 года. Згодна з ім, да 1 студзеня 2022 года мужчыны будуць выходзіць на пенсію ў 63 гады, а жанчыны - у 58 гадоў.

Паводле ацэнкі, да 2022 года пенсія паводле ўзросту ў Беларусі будзе прызначацца прыкладна 55 тысячам чалавек штогод. 


Паводле euroradio.fm

Хочаце ведаць больш? Сачыце за нашымі публікацыямі ў Telegram і Facebook!

Каментаваць