Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

На Курапаты скінуцца настаўнікі

У мінскіх школах пачалі збіраць грошы на мемарыял ва ўчорышчы Курапаты.


Пра гэта рэдакцыі «Новага Часу» паведаміла настаўніца адной са сталічных школ. «Прыйшлі зранку на працу, нам сказалі здаць па рублю прафсаюзу на Курапаты.Здалі, распісаліся. У настаўнікаў пытанняў «здаваць ці не» не ўзнікала, на што мы толькі не здаём. Усе ціхенька здалі», — распавяла выкладчыца.

Нагадаем, нядаўна рэдактар «СБ. Беларусь сёння» Павел Якубовіч аб'явіў, што дзякуючы тэлевізійнай рэкламе на мемарыл у Курапатах сабрана каля 3000 уе.— няшмат, улічваючы, што рэклама ішла некалькі месяцаў. Відаць, дзяржаўныя функцыянеры вырашылі пайсці пратаптаным шляхам і сабраць рэшту грошай з настаўнікаў. А тыя, як бачым, і не супраць. Роўна як і будуць не супраць, калі загадаюць, весці  школьныя экскурсіі ва ўрочышча, куды цяпер ступае нага рэдкага свядомага школьніка. Пытанне толькі ў тым, ці можна будзе назваць такі мемарыл народным?

Той мемарыял, які існуе цяпер — сапраўды народны. Гадамі людзі дабраахвотна аддавалі свае грошы на новыя крыжы, гадамі праводзілі і праводзяць талокі. Які мемарыял створаць улады,якія нават і абяцаны конкурс яшчэ не правялі — цяжка прадказаць. У  лепшым выпадку  параяцца з грамадскімі актывістамі,у горшым — паставяць перад фактам. Самае карыснае, што можа зрабіць дзяржава для Курапатаў — гэта не ўмешвацца ў мемарыялізацыю, а заняцца адпаведнай адукацыяй школьнікаў — напрыклад, увесці падрабязнае вывучэнне камуністычных рэпрэсій у праграму па гісторыі. І настаўнікам будзе карысна ведаць, на што ў чарговы раз яны здалі грошы.


Абмеркаванне:

  • Владимир
  • 2017-10-19 15:28:43
Якубович напоминает великого комбинатора Остапа Бендера с его "попрошу делать взносы". Да он таким и является со своей лживой СБ. Не трогайте мемориал, созданный народом вопреки нынешней влати!

Каментаваць