На сайце МУС з'явілася апытанне наконт лібералізацыі заканадаўства

Міністэрства ўнутраных спраў днямі выступіла з ініцыятывай лібералізацыі некаторых артыкулаў Адміністратыўнага кодэксу. Зараз прагаласаваць за змены можна на сайце mvd.gov.by



Кіраўнік прэс-службы МУС Канстанцін Шалькевіч адзначаў, што плануецца зладзіць абмеркаванне з грамадзянамі зменаў у Правілах дарожнага руху, а таксама спрашчэнне некаторых адміністратыўных артыкулаў. У прыватнасці, выносіць папярэджанне без складання пратакола за распіцце піва, курэнне і нецэнзурную лаянку ў грамадскім месцы. Прапаноўвалася таксама павялічыць з 400 да 1000 еўра памер памер шкоды, нанесенай у вынiку ДТЗ, пры якім кіроўцы маюць права не выклікаць ДАІ. А таксама скасаваць адміністатыўную адказнасць кіроўцаў за перавышэнне хуткасці ад 10 да 20 кіламетраў на гадзіну.

Тыдзень таму ў каментары "Еўрарадыё" Канстанцін Шалькевіч распавёў: "Па выніках гэтага апытання, калі ўсё ў нас атрымаецца і нашы з сябрамі Грамадскай рады ідэі знойдуць падтрымку, то мы пакідаем за сабой права выхаду з заканадаўчай ініцыятывай, скіраванай на тое, каб змяніць пэўныя артыкулы, альбо дыспазіцыі артыкулаў Адміністрацыйнага кодэксу".

Зараз на сайце МУС з'явілася апытанне наконт прапановаў МУС па лібералізацыі заканадаўства.

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • ВР
  • 2016-01-18 18:47:53
"наконT". Куды толькі глядзіць міліцыя? :)

Каментаваць