Нарэшце «Новы Час» можна будзе набыць у шапіках

РУП «Белсаюздрук» пасля больш чым дзесяцігадовага перапынку нарэшце падпісаў дамову на распаўсюд газеты «Новы Час» праз сваю гандлёвую сетку.


Ужо 8 красавіка жыхары Мінска і Мінскай вобласці змогуць набыць газету ў бліжэйшай краме ці шапіку «Белсаюздруку».  Як абяцае кіраўніцтва гэтай установы, газету можна будзе набыць практычна ў кожнай гандлёвай кропцы. Таму мы заклікаем нашых чытачоў спраўджваць гэту інфармацыю і паведамляць у рэдакцыю пра адсутнасць газеты ў продажы.

Рады таксама паведаміць, што на другое паўгоддзе 2017 года можна будзе падпісацца на “Новы Час” праз каталог РУП “Белпошта”. Пра намер заключыць адпаведную дамову паведаміла і гэта ўстанова.

Падпісны індэкс і пра ўмовы падпіскі мы паведамім дадаткова.

Пакуль жа паведамляем, што газету ўсё яшчэ можна атрымаць у нашым офісе і ў нашых прадстаўнікоў: Магілёў — (8 029) 722 61 69, Міхась; Гомель — (8 029) 697 82 75, Аляксандр.

Можна атрымліваць газету ў любым рэгіёне ў капэртах у паштовыя скрыні. Для гэтага трэба: 1. Пералічыць грошы на наш рахунак; 2. Накіраваць копію плацёжнага дакумента на адрас рэдакцыі (220113, Мінск, вул. Мележа, 1, офіс 1234) ці на электронную пошту рэдакцыі (novychas@gmail.com). Альбо проста патэлефанаваць у рэдакцыю і паведаміць ваш адрас (+375 29 7518143; Арцём).

Нашы рэквізіты: рахунак 3012741108019 у Дырэкцыі ААТ «Белінвестбанка», па г. Мінску і Мінскай вобл., код 739. Адрас банка: 220004, Мінск, вул. Калектарная, 11. УНП 190790926

Рэдакцыя «Новага Часу» вельмі спадзяецца на вашу шчырую падтрымку! Менавіта ваша падтрымка дазволіць газеце выжыць у сённяшніх складаных умовах і яшчэ не адзін год радаваць вас цікавымі матэрыяламі.

Дзякуй вам, нашы адданыя і самыя лепшыя чытачы!

 

Каментаваць