Пенсіянерам забаранілі пікет у цэнтры Мінска

Мінгарвыканкам не дазволіў актывістам Грамадзянскай ініцыятывы супраць беззаконня ў судах і пракуратуры з розных рэгіёнаў краіны правесці пікет у цэнтры сталіцы.



Тамара Сяргей


Пра гэта паведаміў заяўнікам намеснік старшыні Мінгарвыканкама Ігар Карпенка.

Сваю адмову ён матываваў тым, што заяўка “не адпавядае патрабаванням артыкулаў 5 і 9 Закону Рэспублікі Беларусь “Аб масавых мерапрыемствах у Рэспубліцы Беларусь”.

У заяўцы за подпісамі 10 пенсіянераў зазначалася, што ў пікетаванні, запланаваным на 17 снежня за кошт асабістых сродкаў грамадзянаў, возьмуць удзел не больш за 15 чалавек.

Падчас пікетавання меркаваліся плакаты наступнага зместу: “Гульні ў дэмакратыю скончыліся з намі 11 кастрычніка”, “Патрабуем ад чыноўніцтва выканання Канстытуцыі краіны!”, “Чыноўнікі і дэпутаты схаваліся ад народа за плотам адпісак”.

Заяўнікі звярнулі ўвагу чыноўніцтва на тое, што права на свабоднае выказванне свайго меркавання і правядзенне пікету дадзена грамадзянам артыкуламі 33 і 35 Канстытуцыі Рэспублікі Беларусь і артыкуламі 19 і 21 Міжнароднага пакту аб грамадзянскіх і палітычных правах. А механізм рэалізацыі гэтага права вызначаны Законам Рэспублікі Беларусь “Аб масавых мерапрыемствах у Рэспубліцы Беларусь”. Мінгарвыканкам, як орган выканаўчай улады, павінен забяспечыць рэалізацыю права грамадзян на правядзенне пікетавання і свабоднае выказванне меркавання ўдзельнікаў акцыі падчас яе правядзення, гаварылася ў заяўцы.

Яе аўтары адзначалі, што ў пікетаванні возьмуць удзел грамадзяне пенсійнага ўзросту, якія карыстаюцца павагай у грамадстве. Заяўнікі акцыі гарантавалі грамадскі парадак і бяспеку падчас правядзення пікету.

У каментары НЧ юрыстка Тамара Сяргей звярнула ўвагу на тое, што артыкулы 5 і 9 Закону Рэспублікі Беларусь “Аб масавых мерапрыемствах у Рэспубліцы Беларусь”, на якія спаслаўся намеснік старшыні Мінгарвыканкаму, утрымліваюць шмат частак. “Паколькі ў адказе Ігара Карпенкі не названыя канкрэтныя часткі гэтых артыкулаў, нам не вядомыя матывы адмовы. Вось чаму мы лічым, што адказ Ігара Карпенкі незаконны, неабгрунтаваны і парушае нашы канстытуцыйныя правы”, — падкрэсліла юрыстка.

Абмеркаванне:

  • Коваленко
  • 2015-12-14 19:22:25
Пора уже понять, что законопослушные граждане подчиняются только Законам Республики Беларусь. В ответе Мингорисполкома не указан мотив отказа, что даёт нам право руководствоваться Конституцией
Республики Беларусь.
  • Санкевич
  • 2015-12-14 20:42:33
Беларуские чинуши без зазрения совести нарушают Конституцию и все законы,которые сами состряпали!!! Видно на двойки "учились" в своих институтских "коридорах"!!!
  • пенсионер
  • 2015-12-15 11:37:44
Чиновники выстроили систему беззакония и пытаются эту систему отстаивать любыми методами. Все они понимают, что каждый имеет право выражать своё мнение публично, но они нарушая закон, применяя силу
власти хотят заставить граждан жить по их правилам и понятиям. Пенсионеры имеют право отстаивать свои конституционные права в своей стране, но не обязаны подчиняться решениям чиновников власти,
которые принимаются по их понятиям и не соответствуют требованиям закона.

Каментаваць