Пенсіянеры падалі заяўкі на пікеты ў цэнтры Мінска

Актывісты Грамадзянскай ініцыятывы супраць беззаконня ў судах і пракуратуры з розных рэгіёнаў краіны падалі ў Мінскі гарвыканкам заяўкі на два пікеты ў цэнтры сталіцы.



vk.com


Пра гэта паведаміла карэспандэнту НЧ адна з заяўніц акцый, жыхарка гораду Бабруйск (Магілёўская вобласць) Любоў Санкевіч.  

У заяўках за подпісамі 10 пенсіянераў зазначаецца, што ў пікетаваннях, запланаваных на 17 і 24 снежня за кошт асабістых сродкаў грамадзянаў, возьмуць удзел не больш за 15 чалавек у кожнай акцыі.

Падчас пікетавання мяркуецца выкарыстаць плакаты наступнага зместу: “Гульні ў дэмакратыю скончыліся з намі 11 кастрычніка”, “Патрабуем ад чыноўніцтва выканання Канстытуцыі краіны!”, “Чыноўнікі і дэпутаты схаваліся ад народа за плотам адпісак”.

Заяўнікі звярнулі ўвагу чыноўніцтва на тое, што права на свабоднае выказванне свайго меркавання і правядзенне пікету дадзена грамадзянам, адпаведна, артыкуламі 33 і 35 Канстытуцыі Рэспублікі Беларусь і артыкуламі 19 і 21 Міжнароднага пакту аб грамадзянскіх і палітычных правах. А механізм рэалізацыі гэтага права вызначаны Законам Рэспублікі Беларусь “Аб масавых мерапрыемствах у Рэспубліцы Беларусь”. Мінгарвыканкам як орган выканаўчай улады павінен забяспечыць рэалізацыю права грамадзянаў на правядзенне пікетавання і свабоднае выказванне меркавання ўдзельнікаў акцыі пад час яе правядзення, гаворыцца ў заяўцы.

Яе аўтары адзначаюць, што ў пікетаванні возьмуць удзел грамадзяне пенсійнага ўзросту, якія вядуць нармальны лад жыцця і карыстаюцца павагай у грамадстве. Прычым, заяўнікі акцыі гарантуюць грамадскі парадак і бяспеку падчас правядзення пікету. 

Абмеркаванне:

  • Коваленко
  • 2015-12-04 10:29:04
Перед выборами чиновники Администрации Президента встречались с нами, создавали рабочую группу якобы для изучения фактов изложенных в наших коллективных жалобах, но как оказалось это была всего лишь
игра в демократию перед выборами. В настоящее время чиновники для граждан опять не доступны, спрятались от нас в государственных кабинетах под охраной работников милиции. Пора чиновникам понять, что
перед законом все равны, и у них нет права играть судьбами людей. Мы имеем право получить ответы по существу на каждый конкретный вопрос, а должностные лица обязаны дать такой ответ. Мы не для того
трудились в нашей стране, что бы жить по понятиям чиновников и по их инструкциям. Пока чиновники будут прятаться за спинами милиции, мы будем обращаться к ним через уличные акции и требовать
исполнения закона.
  • Санкевич
  • 2015-12-04 16:20:02
У меня нет слов о действиях и бездействиях "слуг" народа! Вот где круговая порука, вот как "слуги" народа оккупировав власть, "охраняют" награбленное у
народа! Эти "слуги" народа не желают отвечать на вопросы, но включают "дурочка".

Каментаваць