Пенсіянеры правялі пікет супраць беззаконня ў судах і пракуратуры

Пікетаванне адбылося 24 верасня ў Мінску, на плошчы Свабоды. Удзел у ім прынялі больш за 15 актывістаў Грамадзянскай ініцыятывы супраць беззаконня ў судах і пракуратуры з розных рэгіёнаў краіны.



Мэта акцыі — прыцягнуць увагу грамадства і дзяржавы да праблемы адпісак на звароты грамадзянаў у органы суду і пракуратуры, а таксама на бяздзейнасць кіраўніка дзяржавы па абароне канстытуцыйных правоў грамадзянаў. У пікетаванні ўдзельнічалі пенсіянеры, у тым ліку па інваліднасці. Грамадзяне трымалі ў руках Канстытуцыю Рэспублікі Беларусь і расцяжкі наступнага зместу: «У Канстытуцыі правы і свабоды на паперы, а нам яны патрэбныя ў жыцці!», «Чыноўнікі і дэпутаты схаваліся ад народа за плотам адпісак» і «Патрабуем ад чынавенства выканання Канстытуцыі краіны!».

Для таго, каб вырашыць праблему адпісак, якой грамадскія актывісты займаюцца з 2007 года, яны выкарыстоўваюць усе мажлівасці, дадзеныя Канстытуцыяй Рэспублікі Беларусь і Міжнародным пактам аб грамадзянскіх і палітычных правах. Гаворка ідзе пра калектыўныя звароты, спробы сустрэцца з службовымі асобамі пад час іх асабістых прыёмаў, а таксама пра пікетаванне, у тым ліку несанкцыянаванае, за што грамадскія актывісты затрымліваліся, і асуджаліся да штрафаў.

У 2011 годзе пасля сустрэчы актывістаў ініцыятывы з кіраўніком Адміністрацыі прэзідэнта Уладзімірам Макеем была створаная рабочая група па праблеме адпісак, вынікам працы якой па краіне сталі 333 адмененых прысуды па крымінальных справах. Аднак праблема адпісак у поўным аб’ёме так і не была вырашаная, бо па Грамадзянскай ініцыятыве супраць беззаконня ў судах і пракуратуры былі перагледжаныя толькі 10 крымінальных справаў. У выніку 6 зняволеных былі рэабілітаваныя. Вось чаму актывісты ініцыятывы былі вымушаныя цягам наступных пяці гадоў сістэматычна звяртацца і прыходзіць у Адміністрацыю прэзідэнта, а таксама праводзіць пікетаванні ў цэнтры Мінска.

Дзякуючы намаганням актывістаў ініцыятывы сёлета 24 ліпеня была паўторна створаная рабочая група на чале з намеснікам дырэктара Нацыянальнага цэнтру заканадаўства і прававых даследаванняў Рэспублікі Беларусь Уладзімірам Жэўняком. Аднак рабочая група пакінула без разгляду праблему адпісак і грамадзяне атрымалі ад намесніка кіраўніка Адміністрацыі прэзідэнта Валеры Міцкевіча чарговую адпіску, што і стала падставай для заявы на пікетаванне.

Дарэчы, намеснік старшыні Мінгарвыканкама Ігар Карпенкаі не задаволіў гэтую заяву  пенсіянераў. Прычым сваю адмову Карпенка матываваў, у тым ліку, і тым, што ў час і на месцы, запланаваным 24 верасня пенсіянерамі для правядзення пікетавання, будуць праводзіцца масавыя перадвыбарчыя агітацыйныя мерапрыемствы кандыдатаў у прэзідэнты Рэспублікі Беларусь. Аднак нічога падобнага на плошчы Свабоды пад час пікету грамадзянаў не назіралася.

У каментары «НЧ» актывіст ініцыятывы, юрыстка Тамара Сяргей заявіла, што для вырашэння праблемы адпісак грамадзяне будуць намагацца сустрэчы з кіраўніком Адміністрацыі прэзідэнта Аляксандрам Касінцом, а калі ён не прыме — дык з Аляксандрам Лукашэнкам. «Бо апроч яго ні адзін вышэйшы чыноўнік у Беларусі не здольны прыняць самастойнае рашэнне па такому важнаму для грамадства і дзяржавы пытанню, як праблема адпісак», — сказала юрыстка.

Трэба адзначыць, што за акцыяй наглядала шмат людзей ў цывільным, якія вялі відэазапіс пікетавання. 

Абмеркаванне:

  • Санкевич
  • 2015-09-24 23:20:04
Хватит бояться! Пора требовать ответа от чинуш власти всех мастей, за всё что они натворили!!! Хватит вранья, его уже слишком много!
  • Коваленко
  • 2015-09-24 23:59:08
Мы должны отстаивать свои права и будем это делать до тех пор, пока чиновники не научатся уважать закон страны и забудут своё: " Я так решил". Перед законом все равны, кто из
чиновников не согласен с Конституцией страны, пусть освобождают места.
  • пенсионер
  • 2015-09-25 09:18:01
Глава государства обязан обеспечить защиту прав и свобод гражданину в стране, но как мы видим у действующего Президента не получилось исполнить обязанности гаранта Конституции. Суды в стране
развалены полностью, решения и приговоры по понятиям судьи, надзор за точным и единообразным исполнением законов в стране не осуществляется.
  • Павел
  • 2015-09-25 12:03:01
Ого, это силища так силища. Активные пенсионеры - опора государства! Не всё ж им по подъездам сидеть да молодёжь обсуждать.
  • пенсионер
  • 2015-09-25 20:25:49
Ну насчёт "молодёжь обсуждать", это Вы зря. Молодёжи есть с кого брать пример, поэтому у нас нет прав обсуждать молодёжь. Но мне хочется пожелать пенсионерам сидеть на лавочке у
подъезда или путешествовать, ведь многие из них ветераны труда и заслужили отдых и заботу государства. К сожалению в нашей стране чиновники заботятся только о себе любимых, а у пенсионеров отнимают
даже жильё, которое они заработали и получили в СССР и принуждают выкупить у чиновников своё жильё за дикую стоимость, а пенсии увеличить забыли. Терпению приходит конец, у нас всё отняли те, кто
ничего в этой стране не создавал.

Каментаваць