Штраф вязню канцлагера

Суд Чыгуначнага раёна Гомеля 13 кастрычніка пачаў разгляд адміністрацыйных спраў 16-ці дэмакратычных актывістаў, якія мелі намер правесці 16 верасня акцыю салідарнасці са зніклымі.

Суд Чыгуначнага раёна Гомеля 13 кастрычніка пачаў разгляд адміністрацыйных спраў 16-ці дэмакратычных актывістаў, якія мелі намер правесці 16 верасня акцыю салідарнасці са зніклымі.

Апазіцыянеры былі затрыманы міліцыяй па шляху да месца правядзення мерапрыемства. 76-гадовы вязень канцлагераў, член Партыі камуністаў Беларускай Уладзімір Мышак ішоў на з’езд ПКБ, калі яго затрымалі людзі ў цывільным. «Нейкія малойчыкі, бандыты або тэрарысты ў цывільным адзенні, сталі мяне рваць. На дапамогу прыйшоў мой калега Уладзімір Сякерка, першы сакратар абласнога абкама. Рызыкуючы жыццём, ён перабег з іншага боку дарогі, спрабуючы мяне выратаваць, але сам быў схоплены. Нас заштурхалі ў аўтобус. Мы думалі, што ўзятыя ў заложнікі. Толькі калі нас даставілі ў міліцыю, зразумелі, што ўсё гэта азначала. Нават калі я ішоў у канцлагер, фашысты так не рвалі мяне, а проста вялі пад аўтаматамі», — расказаў на судзе былы вязень.

Затрымліваў вязня канцлагера 25-гадовы міліцыянер Дзмітрый Грошаў. Паводле яго слоў, састарэлы чалавек рухаўся ў складзе арганізаванай калоны і нёс у руках партрэт «нейкага чалавека». Сам Мышак і сведкі-аднапартыйцы сцвярджаюць, што пенсіянер нічога ў руках не трымаў.

Тым не менш суддзя Віталь Козыраў прызнаў вязня канцлагера вінаватым у парушэнні парадку правядзення масавых мерапрыемстваў і прыгаварыў яго да штрафу ў памеры 20 базавых велічынь (700 тысяч рублёў).

Таксама дваццаццю базавымі велічынямі пакарана Марына Смяглікава, штраф у памеры 25 базавых велічынь атрымаў Уладзімір Няпомняшчых, 30 — Іван Заяц, 40 — Юры Захаранка, Васіль Палякоў і Аляксандр Працко.

Астатнім удзельнікам акцыі салідарнасці, якая не адбылася, позвы ў суд пакуль не прыходзілі.

У дакуменце УУС Гомельскага аблвыканкама гаворыцца, што затрыманне апазіцыянераў было праведзена пасля ананімнага тэлефанавання па нумары 102. Невядомы нібыта паведаміў, што на плошчы Паўстання запланавана правядзенне «антыграмадскай акцыі».

Паводле БелаПАН

Хочаце ведаць больш? Сачыце за нашымі публікацыямі ў Telegram і Facebook!

Каментаваць