Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

Судовыя выканаўцы пагражаюць арыштаваць маёмасць Віталя Рымашэўскага

Судовыя выканаўцы пагражаюць сустаршыні Беларускай хрысціянская дэмакратыі Віталю Рымашэўскаму накладаннем арышту на маёмасць за ўдзел у пікеце ля Мінскага гарадскога суду ў жніўні. 

Пікет праходзіў у межах перадвыбарчай кампаніі на тэму падтрымкі маці зніклага міністра ўнутраных спраў Юрыя Захаранкі — Улляны.

На ўдзельнікаў пікету былі складзеныя пратаколы, але пасля ніякіх позваў не паступала.

“Пікет праходзіў цалкам у межах выбарчай кампаніі. Міліцыя спрабавала замінаць яго правядзенню, але ніякіх выклікаў у суд за яго не было. А цяпер судовыя выканаўцы патрабуюць спагнання штрафу. У Беларусі па-ранейшаму забароненая свабода сходаў і любыя пікеты. Толькі калі раней удзельнікам пагражалі збіццё і арышты, то зараз ужываюцца велізарныя штрафы, якія пры сённяшнім стане беларускай эканомікі і існуючых заробках людзей раўназначныя татальнай забароне любых вулічных акцый”, — адзначыў Віталь Рымашэўскі.

Нагадаем, што нядаўна ў Мінску адбыўся суд над Віталём Рымашэўскім за арганізацыю акцыі 7 лістапада каля КДБ.

Паводле bchd.info


Каментаваць