Тамара Сяргей: суды выносяць злачынныя пастановы

17 сакавіка 2016 года калегія па грамадзянскіх справах Мінскага гарадскога суда на чале з Вольгай Рамашэўскай прызнала законнай адмову ўладаў на пікет у цэнтры Мінска.



Нагадаем, што ў кастрычніку мінулага году 12 пенсіянераў з Грамадзянскай ініцыятывы супраць беззаконня ў судах і пракуратуры абскардзілі ў суд Маскоўскага раёну Мінска адмову намесніка старшыні Мінгарвыканкама Ігара Карпенкі на правядзенне 24 верасня пікетавання на пляцы Волі.

Акцыя павінна была прыцягнуць увагу да праблемы адпісак на звароты грамадзянаў у суды і пракуратуру, а таксама на бяздзейнасць кіраўніка дзяржавы па абароне канстытуцыйных правоў. У пікетаванні мелі намер удзельнічаць да 20 чалавек з лозунгамі: “У Канстытуцыі правы і свабоды на паперы, а нам яны патрэбныя ў жыцці!”, “Чыноўнікі і дэпутаты схаваліся ад народа за плотам адпісак” і “Патрабуем ад чыноўніцтва выканання Канстытуцыі краіны!”.

Сваё адмоўнае рашэнне Ігар Карпенка матываваў тым, што ў час і на месцы, запланаваным 24 верасня пенсіянерамі для пікетавання, будуць праводзіцца масавыя перадвыбарчыя агітацыйныя мерапрыемствы кандыдатаў у прэзідэнты Рэспублікі Беларусь.

Грамадзяне звярнулі ўвагу суду на тое, што кандыдаты ў прэзідэнты Рэспублікі Беларусь атрымалі гэты статус толькі 10 верасня. Прычым гэты факт з'яўляецца агульнавядомым, паколькі менавіта 10 верасня сродкі масавай інфармацыі вялі прамую трансляцыю ўрачыстага абвяшчэння імёнаў кандыдатаў у прэзідэнты Рэспублікі Беларусь і ўручэння ім адпаведных пасведчанняў. Аднак пенсіянеры падалі сваю заяву на пікетаванне 9 верасня. Такім чынам, матывацыя адмовы грамадзянам у пікетаванні з’яўляецца не толькі незаконнай і неабгрунтаванай, але і абсурднай, падкрэслівалася ў скарзе.

Паколькі суддзя суда Маскоўскага раёна Алена Рудніцкая сваёй пастановай ад 8 снежня 2015 года падтрымала пазіцыю ўладаў, грамадзяне абскардзілі судовае рашэнне ў Мінгарсудзе, які 17 сакавіка надаў законную сілу пастанове Алены Рудніцкай.

Як зазначыла юрыстка Тамара Сяргей, для абгрунтавання пазіцыі гарадскіх уладаў начальнік аддзелу грамадска-масавай працы Мінгарвыканкаму Юры Уральскі падаў у суд не арыгінал заявы грамадзянаў на пікетаванне, а ксеракопію, на якой дата падачы заявы пазначана 15 верасня. “Аднак мы падавалі заяву 9 верасня. І гэтай датай, згодна з заканадаўствам, заява і павінна быць пазначаная і зарэгістраваная. А ў суд, згодна з заканадаўствам, чыноўнік абавязаны быў падаваць толькі арыгінал нашай заявы”, — падкрэсліла юрыстка.

Такім чынам, на яе меркаванне, рашэнні судоў, прынятыя насуперак закону, можна лічыць не толькі незаконнымі, але і злачыннымі.Паводле яе словаў, такога кшталту рашэнні прыносяць шкоду не толькі грамадзянам, але і дзяржаве, разбураючы аснову правасуддзя.

Абмеркаванне:

  • Коваленко
  • 2016-03-18 17:38:20
В стране происходит страшное. Такое впечатление, что в судах сидят нелюди, которые не понимаю человеческого языка, что эти особи понятия не имеют что такое Конституция, на которую граждане ссылаются
отстаивая свою позицию и права. На мой взгляд, основа правосудия разрушена полностью, только не понятно, Александр Лукашенко делает вид, что не замечает или сам уже не в силах противостоять
"этим". Мы все обязаны защищать нашу Конституцию и будущее наших детей.
  • Санкевич
  • 2016-03-18 19:46:33
У меня просто нет слов! Бардак и коррупция в стране процветает во всём а Лукашенко всё ведёт "борьбу" с коррупцией, более 20 лет! Но этой коррупции не стало меньше а наоборот она
разрослась как сорняк!
  • Зоя
  • 2016-03-18 20:13:39
Каждый гражданин должен понимать, что наводить порядок в стране надо начинать с судов. Перед законом все равны и даже Президент. Пока судебную систему не вернём в правовое поле, каждый чиновник
чувствует безнаказанность и делает всё, что ему вздумается. Надо вместе бороться с этим злом, а таких судей как Ромошевская надо самих на скамью подсудимых, за неуважение к закону. У таких судей, кто
преступает закон, нет право выносить решение от имени нашей Родины, нашей страны! Может мы не уважаем себя, если позволяем такому быть?
  • гражданин
  • 2016-03-19 09:39:48
Вот так фальсифицируют уголовные дела и ломают судьбы людей.Раньше хоть создавали видимость правосудия, а сейчас открыто демонстрируют свои преступные действия.

Каментаваць