Тамара Сяргей: супраць грамадзян здзейснена правакацыя

Раніцай 6 лістапада ў Мінску ў адносінах да актывістаў Грамадзянскай ініцыятывы супраць беззаконня ў судах і пракуратуры здзейснена правакацыя з боку супрацоўнікаў міліцыі на транспарце, паведаміла карэспандэнту НЧ юрыстка Тамара Сяргей.



Нагадаем, што з 2007 года актывісты ініцыятывы з розных рэгіёнаў краіны не могуць вырашыць праблему адпісак на свае звароты ў дзяржаўныя органы. Паколькі па гэтай праблеме 5 лістапада грамадзян сталага веку не прынялі ў Адміністрацыі прэзідэнта ў дзень асабістага прыёму аднаго з намеснікаў кіраўніка адміністрацыі, пенсіянеры вырашылі наўпрост звярнуцца да кіраўніка дзяржавы ў дзень ягонай інаўгурацыі.

Тамара Сяргей павінна была сустрэцца з актывістамі грамадзянскай ініцыятывы на сталічным чыгуначным вакзале, каб затым паспрабаваць сустрэцца з Аляксандрам Лукашэнкам.

Прыблізна а 10.00, як толькі юрыстка ўвайшла ў будынак вакзала, да яе падышла маладая жанчына, сваім выглядам і неадэкватнымі паводзінамі падобная на наркаманку. Разам з жанчынай знаходзіліся два супрацоўнікі дарожнай міліцыі падпалкоўнік Сяргей Гаркавы і прапаршчык Сяргей Махнач. Невядомая жанчына, якая праз некаторы час знікла так і не назваўшы сябе, заявіла, што пад час знаходжання ў чарзе каля абменніку Тамара Сяргей скрала ў яе кашалёк з апошнімі грашыма.

Зараз юрыстка знаходзіцца ў дзяжурным пакоі аддзялення міліцыі на вакзале, а пенсіянеры чакаюць выкліку на апытанне.

На меркаванне Тамары Сяргей, правакацыя з боку супрацоўнікаў міліцыі на транспарце стала магчымай таму, што тэлефоны актывістаў ініцыятывы праслухоўваюцца, а іх дзеянні адсочваюцца.

Абмеркаванне:

  • яковлевич
  • 2015-11-06 15:49:02
Ну да, целый подполковник будет бегать по вокзалу искать кошелек, который якобы пропал у наркоманки !!! Теперь будет говорить "Случайно мимо проходил...бла бла бла." Дураку ясно
привел провокаторшу, что бы указала на кого надо. Как же низко надо упасть.Да не повезло кое кому, не испытывает "народец" благоговения, не хочет подключать телевизор к холодильнику,
не хочет даже кошелек положить на телевизор, во время выступления.

Каментаваць