Тамару Сяргей хочуць закратаваць за лісты да ўладаў

З 22 ліпеня падпісантаў калектыўных зваротаў ў Адміністрацыю прэзідэнта — актывістаў Грамадзянскай ініцыятывы супраць беззаконня ў судах і пракуратуры  выклікаюць на апытанні ў Галоўнае ўпраўленне па барацьбе з арганізаванай злачыннасцю і карупцыяй Міністэрства ўнутраных справаў.



Так, 22 ліпеня на працягу дзевяці гадзінаў без перапынку на абед — з 10.00 да 19.00 — супрацоўнік упраўлення, старшы оперупаўнаважаны па асоба важных справах, маёр міліцыі апытаў чатырох жанчын. Прычым трое з апытаных ужо на пенсіі, а дзвюм — больш за 75 гадоў. Сярод апошніх была і мінчанка Ларыса Сіняўская. 24 снежня 1999 года быў забіты яе сын, і па сённяшні дзень жанчына не можа дабіцца ўзбуджэння крымінальнай справы па гэтым трагічным фаце. Падчас апытання Ларысы Сіняўскай, якое доўжылася больш за тры гадзіны, жанчыне заявілі, што яна можа быць прыцягнутая да крымінальнай адказнасці, калі і надалей будзе падпісваць калектыўныя звароты.

Сёння апытанне падпісантаў калектыўных зваротаў працягнецца. Выклікі грамадзянаў у міліцыю звязаны з праверкай, якую праводзіць Галоўнае ўпраўленне па барацьбе з арганізаванай злачыннасцю і карупцыяй МУС у сувязі з даручэннем Генеральнай пракуратуры па ўзбуджэнні крымінальнай справы супраць юрысткі Тамары Сяргей, якой у красавіку мінулага года было вынесена афіцыйнае папярэджанне аб крымінальнай адказнасці згодна артыкулу 193-1 Крымінальнага кодэксу Рэспублікі Беларусь за арганізацыю дзейнасці незарэгістраванага грамадскага аб’яднання.

Нагадаем, што па гэтым жа пытанні 8 ліпеня юрыстку ў чарговы раз выклікалі ў Генеральную пракуратуру да намесніка начальніка аддзелу за выконваннем правоў і свабодаў грамадзянаў Паўла Елісеева.

У каментары НЧ Тамара Сяргей адзначыла, што такім чынам улада поўнасцю раскрывае перад народам сваю сутнасць. “Бо права накіроўваць калектыўныя звароты да чыноўніцтва прадстаўлена артыкулам 40 Канстытуцыі Рэспублікі Беларусь. Замест таго, каб разабрацца з пытаннямі, з якімі грамадзяне звяртаюцца да чыноўніцтва, людзей запалохваюць  А праблема — у адпісках чыноўнікаў, якія не даюць адказы па сутнасці на скаргі грамадзянаў”, — зазначыла Тамара Сяргей. 

Абмеркаванне:

  • Санкевич Л.М.
  • 2014-07-23 21:49:31
Вообще не понятно для чего создано это управление? Для "борьбы" с мирными жителями, с пенсионерами которые хотят получить ответы на свои поставленные вопросы а не отписки???
Организованная преступность и коррупция, по моему мнению, создана в администрации президента, в совмине, в министерствах! Если бы эти чинуши власти дали ответы на вопросы то и не было бы нас! Люди,
пенсионеры не страдали бы а то накупили дипломы "родственнички" и издеваются над нами?! Нет нас не сломить, я подписывала коллективные обращения и буду продолжать подписывать. Воры на
свободе а честных людей сажают в тюрьму!!!
  • пенсионерка
  • 2014-07-23 23:45:47
Почему не привлекают чиновников, ведь это они вынуждают людей объединяться? Не ответив на вопросы, чиновникам ни один закон не даёт право прекращать с гражданином переписку, но они так делают.
Чиновники преступают закон, а юриста Тамару Сергей хотят сделать крайней. Или в нашей стране за юридическую помощь уже уголовное наказание грозит? Такого закона ещё " депутаты" не
рисовали. Граждане правоохранители, тогда чьи права Вы защищаете?

Каментаваць