У Нью-Ёрку пачанае працу саміт ААН па праблемах змены клімату

Сусветныя лідары сёння сабраліся на саміт ААН па праблемах змены клімату. Як паведамляе Бі-бі-сі, мэта сустрэчы ў Нью-Ёрку — заахвоціць дзяржавы-чальцы ААН да падпісання новага ўсёабдымнага пагаднення аб клімаце ў ходзе перамоваў у Парыжы ў наступным годзе.



Акцыя ў Нью-Ёрку


"Змена клімату гэта вызначальная праблема нашага часу. Зараз прыйшоў час дзейнічаць!", — заявіў генеральны сакратар ААН Пан Гі Мун напярэдадні саміту.

 

Генеральны сакратар ААН абмяркуе гэтую праблему з 125 кіраўнікамі дзяржаў і ўрадаў.

На саміце чакаецца аб'яўленне пра запуск шэрагу новых экалагічных ініцыятыў. Сярод іх стварэнне альянсу гарадоўлідараў у галіне кліматычнага фінансавання (з мэтай стымуляваць дзяржаўна-прыватныя інвестыцыі ў нізкавугляроднай развіццё інфраструктуры). Акрамя таго, па выніках саміту павінна быць прынятая Нью-ёркская дэкларацыя па лясах, мэтай якой стане падтрымка мер для зніжэння вырубкі лясоў у свеце. Чакаецца і шэраг дамоўленасцяў у галіне развіцця аднаўляльнай энергетыкі, запуск праграмы Сусветнага банка па развіцці вугляродных рынкаў у свеце, заявы краін аб папаўненні кліматычных і зялёных фондаў, створаных пад эгідай ААН.

Дарэчы, сёння а 19.00 у у Маскве ля помніка Высоцкаму экалагічныя актывісты з ініцыятыўных груп Масквы і Падмаскоўя збяруцца на санкцыянаваную акцыю, каб перадаць свае наказы расійскай дэлегацыі, якая ўдзельнічае ў саміце.

Беларускія эколагі, у тым ліку Беларуская партыя Зялёныя правялі акцыю 21 верасня а 13.00 на Кастрычніцкай плошчы Мінска сабралася каля дзясятка актывістаў, якія абазначылі сваё дачыненне да глабальнай акцыі элементамі адзення зялёнага колеру і зялёнымі паветранымі шарамі.

Прыкладна праз 15 хвілін да прысутных падышлі двое супрацоўнікаў міліцыі і параілі актывістам «ісці ратаваць планету куды-небудзь у парк».

Прыкладна яшчэ праз 10 хвілін удзельнікі акцыі з транспарантамі пра важнасць кліматычных праблем прайшлі вакол Кастрычніцкай плошчы і разышліся.

Каментуючы БелаПАН гэтую акцыю, намеснік старшыні Беларускай партыі «Зялёныя» Дзмітрый Кучук адзначыў: «І гэта някепска, улічваючы, што акцыя была несанкцыянаваная ўладамі». Ён звярнуў увагу на тое, што прадстаўнікі Беларусі будуць удзельнічаць у нью-ёркскім саміце па пытаннях клімату. Далучэнне беларусаў да глабальнага «Народнага кліматычнага маршу» дасць зразумець, што беларуская грамадскасць праяўляе цікавасць да кліматычных праблемах, сказаў Дзмітрый Кучук.

Хочаце ведаць больш? Сачыце за нашымі публікацыямі ў Telegram і Facebook!

Каментаваць