Валянціна Каваленка: Суд адмовіў не нам, а Канстытуцыі Рэспублікі Беларусь

Суд Бабруйскага раёну і горада Бабруйск Магілёўскай вобласці ў чацвёрты раз запар адмовіў заяўнікам у праве правядзення пікетавання ў цэнтры Бабруйску. Менавіта такое рашэнне прыняла суддзя Алена Манкевіч, паведаміла ў інтэрвью НЧ бабруйчанка Валянціна Каваленка.



Яна распавяла, што 9 красавіка разам з бабруйчанкай Любоўю Санкевіч яны звярнуліся да гарадскіх ўладаў з заяўкай на правядзенне 2 траўня ў цэнтры Бабруйску пікетавання групай грамадзянаў у колькасці сем чалавек. Прычым выбранае месца поўнасцю адпавядала патрабаванням Закону Рэспублікі Беларусь “Аб масавых мерапрыемствах у Рэспубліцы Беларусь”. Людзі збіраліся выйсці на пікетаванне з плакатамі: “У Канстытуцыі правы і свабоды на паперы, а нам яны патрэбныя ў жыцці!” , “Чыноўнікі кіруюцца не Канстытуцыяй, а ўласнымі ўяўленнямі”, “Чыноўнікі суду і пракуратуры, дайце адказы на нашыя пытанні!”.
 
 
 
Паколькі заяўнікі атрымалі фармальную адмову, грамадзяне звярнуліся ў суд. Аднак, на думку Валянціны Каваленкі, суд з самага пачатку стаў на бок уладаў і ў чарговы раз не дапусціў у грамадзянскі працэс прадстаўніка заяўнікаў, нягледзячы на тое, што права грамадзянаў на свайго прадстаўніка ў судзе прадастаўлена Канстытуцыяй і Грамадзянска-працэсуальным кодэксам Рэспублікі Беларусі, а таксама растлумачана пастановай пленуму Вярхоўнага суду краіны.
 
 
 
Паводле словаў жанчыны, паколькі заяўнікі засталіся без юрыдычнай дапамогі, яны вымушаныя былі пакінуць залу судовых пасяджэнняў пасля таго, як Алена Манкевіч не задаволіла заяву грамадзянаў аб адводзе суддзі. “Прычым суддзя вынесла сваё рашэнне нават без разгляду ўсіх нашых патрабаванняў. Апроч таго, складваецца ўражанне, што Алена Манкевіч проста спісала сваё рашэнне з пастановаў мінулых судоў, якія разглядалі нашыя скаргі”, -- сказала Валянціна Каваленка.
 
 
 
Яна нагадала, што з пачатку бягучага году заяўнікі правялі чатыры працэсы супраць уладаў Бабруйску ў сувязі з адмовамі ў правядзенні пікетавання. На меркаванне жанчыны, усе мясцовыя суддзі – Марына Шэлягіна, Віялета Закржэўская і Алена Манкевіч – аднолькава непаважліва ставіліся да Канстытуцыі, Грамадзянска-працэсуальнага кодэксу Рэспублікі Беларусі, а таксама да пастановы пленуму Вярхоўнага суду краіны. “І гэта сведчыць пра тое, што кар’ера і добрабыт гэтых суддзяў аніяк не залежаць ад добрасумленнага выканання сваіх прафесійных абавязкаў у межах айчыннага заканадаўства”, -- заявіла Валянціна Каваленка.
 
 
 
Яна паведаміла, што зараз Бабруйскі гарвыканкам разглядае пятую заяўку жыхароў гораду на правядзенне ў цэнтры Бабруйску пікетавання ў абарону грамадзянскіх правоў на атрыманне адказаў па сутнасці на звароты людзей.

Абмеркаванне:

  • яковлевич
  • 2014-06-18 17:26:52
Судьи хорошо понимают - они нарушают закон. Но в данном случае судьи так же понимают, что признав правоту Коваленко и Санкевич, они выступят против чиновников горисполкома. Мотивация судей известна
-"А кто будет кормить моих детей. Ну нарушу я закон, но это мелочь"" Но с таких "мелочей" начинается соглашение со своей совестью. В следующий раз такой судья
может в угоду начальнику, приговорить к тюремному сроку, а потом и к смертной казни заведомо невиновного. А это уже страшно, страшно за страну.
  • Санкевич
  • 2014-06-18 18:13:10
Пока в Беларуси нет судов в которых защищаются права граждан! Главное "угодить" чинуше власти и поэтому эти судьи плюют на законы и Конституцию РБ, в том числе на нас, простых
граждан.
  • Коваленко
  • 2014-06-19 11:45:36
Суды развалены полностью. Понятия чиновников власти, обладают высшей юридической силой. Председатель Верховного суда может гордиться своим трудом и спокойно уходить на заслуженный отдых. А вот судьи
ещё молодые и я очень надеюсь, что смогу их пригласить в суд, который будет на основе и в соответствии с Конституцией Республики Беларусь.

Каментаваць