velcom шукае твар сучаснай беларускай літаратуры

Ці ёсць свой твар у сучаснай беларускай літаратуры? Кампанія velcom праводзіць апытанне!

 

“Чытаем па-беларуску з velcom” падтрымала Аліна Талай. Фота www.velcom.by


Кампанія velcom пачала праводзіць апытанне сярод жыхароў Беларусі, каб вызначыць вобраз сучаснай беларускай літаратуры.

Каб паўдзельнічаць у апытанні, любы ахвочы можа прайсці па спасылцы і адказаць на некалькі простых пытанняў.

Вынікам кампаніі стане ўнікальная графічная выява — своеасаблівы калаж, які адлюструе ўяўленні чытачоў пра творы сучасных беларускіх аўтараў. Даследаванне плануецца завяршыць 11 кастрычніка, пасля чаго інфармацыя будзе апрацаваная і прадстаўленая ў СМІ.




Ідэя даследаваць вобраз сучаснай беларускай літаратуры ўзнікла невыпадкова. Гэта важная частка новага праекта velcom, які распачнецца ўжо ў канцы кастрычніка. Акрамя даследавання праект уключае шэраг важных падзей: сустрэчы з беларускамоўнымі пісьменнікамі, масавыя чытанні ўлюбёных кніг, мерапрыемствы для дзяцей і іншыя акцыі, закліканыя паказаць усю разнастайнасць беларускай літаратуры. Прадстаўнікі velcom упэўненыя: беларускія аўтары ствараюць неймаверна захапляльныя, глыбокія і кранальныя творы, якія можна і трэба прасоўваць.

 

Папулярызацыя беларускай літаратуры — важны напрамак у КСА velcom. У 2015–2016 гг. кампанія velcom рэалізуе сацыяльна арыентаваны і адукацыйны праект “Чытаем па-беларуску з velcom”. Мэта праекта — папулярызацыя беларускіх твораў сярод малодшых школьнікаў, іх знаёмства з беларускімі пісьменнікамі. Настаўнікамі праекта ў свой час былі Уладзімір Ліпскі — дзіцячы пісьменнік, рэдактар ​​часопіса “Вясёлка”, Раіса Баравікова — пісьменніца, Алена Масла — пісьменніца-казачніца, Таццяна Сівец — паэтка і публіцыстка, Юрый Жыгамонт — вядомы беларускі акцёр і тэлевядоўца.

 

Нядаўна сацыяльна-адукацыйную ініцыятыву “Чытаем па-беларуску з velcom” падтрымала і Аліна Талай, вядомая беларуская лёгкаатлетка, прызёр чэмпіянатаў свету і Еўропы.

 

Паводле прэс-службы velcom

Каментаваць