Пенсіянеры з Бабруйску звярнуліся ў суд

6 студзеня Валянціна Каваленка і Любоў Санкевіч з Бабруйска падалі скаргу ў суд на гарвыканкам, які не дазволіў пікет. Жанчыны падалі заяўку на пікет, таму што іншымі сродкамі не могуць вырашыць праблему адпісак на свае скаргі.

 



Пікет мусіў прыцягнуць увагу грамадства да парушэння грамадзянскіх правоў заяўнікаў, прадастаўленых артыкулам 22 Канстытуцыі Рэспублікі Беларусь: “Усе роўныя перад законам і маюць права без усякай дыскрымінацыі на роўную абарону правоў і законных інтарэсаў”.
 
 
Згодна артыкулу 40 Канстытуцыі Рэспублікі Беларусь, “Кожны мае права накіроўваць асабістыя або калектыўныя звароты ў дзяржаўныя органы. Дзяржаўныя органы, а таксама службовыя асобы абавязаны разгледзець зварот і даць адказ па сутнасці ў вызначаны законам тэрмін. Адмова ад разгляду пададзенай заявы павінна быць пісьмова матываванай”.
 
 
Жанчын вельмі абурыў той факт, што парламентарыі адмовіліся прадстаўляць інтарэсы грамадзян і пачалі проста адпісвацца ад людзей, як гэта робяць чыноўнікі, а дэпутаты Палаты прадстаўнікоў Нацыянальнага сходу Рэспублікі Беларусь Жанна Мішур і Мікалай Плаксіцкі ўвогуле прыпынілі перапіску са сваімі выбаршчыкамі. Вось чаму жанчыны збіраліся выйсці на пікетаванне з плакатамі: “Дэпутаты не абараняюць правы і інтарэсы народа, а дагаджаюць чынавенству!” , “Чыноўнікі і дэпутаты схаваліся ад народа за плотам адпісак”.
 
 
Жанчыны лічаць, што змест адказу ўладаў на іх заяўку пра пікетаванне з’яўляецца адпіскай і супярэчыць заканадаўству. У скарзе, між іншым, адзначаецца, што Бабруйскі гарвыканкам пасля атрымання заяўкі на акцыю павінен быў на працягу аднаго дня з моманту рэгістрацыі заяўкі накіраваць яе копію ў мясцовае ўпраўленне ўнутраных спраў, якое павінна было на працягу пяці дзён свае прапановы па ахове мяркуемага пікетавання ўнесці ў Бабруйскі гарвыканкам. Аднак гэта не было зроблена, паколькі 6 снежня супрацоўнік УУС заявіў жанчынам, што іх заяўка на акцыю паступіла ва ўпраўленне толькі 4 снежня і яшчэ не разгледжана. Гэты факт зафіксаваны ў кнізе заўваг і прапаноў УУС Бабруйскага гарвыканкама.
 
 
У адпаведнасці з артыкуламі 33 і 35 Канстытуцыі Рэспублікі Беларусь, а таксама артыкуламі 19 і 21 Міжнароднага пакту аб грамадзянскіх і палітычных правах, жанчыны просяць суд Бабруйска і Бабруйскага раёна прызнаць незаконным, неабгрунтаваным і парушаючым правы грамадзян рашэнне Бабруйскага гарвыканкама ад 5 снежня пра забарону правядзення пікетавання 10 снежня ў Дзень правоў чалавека; абавязаць Бабруйскі гарвыканкам дазволіць заяўнікам па ўзгадненню з імі правесці пікетаванне ў іншы дзень.
 
 
Нагадаем, што Дзень правоў чалавека з 1950 году адзначаецца штогод па прапанове Генеральнай Асамблеі ААН 10 снежня. У гэты дзень у 1948 годзе Генеральная Асамблея ААН прыняла Усеагульную дэкларацыю правоў чалавека.

Абмеркаванне:

  • Лббовь
  • 2014-01-06 20:27:49
Разве могут "депутаты" назначенцы от власти соблюдать законы и Конституцию? Если оти депутатушки не знают те законы которые написаны для них и чем они должны заниматься. Они могут
только на кнопочки нажимать и плевать им на НАРОД!

Каментаваць