Замест пікету ў Дзень Канстытуцыі будзе судовы працэс

12 сакавіка пенсіянеркі Валянціна Каваленка і Любоў Санкевіч абскардзілі ў судзе Бабруйскага раёну і горада Бабруйск дзеянні мясцовай выканаўчай улады, якая не дазволіла жанчынам правесці пікет у Дзень Канстытуцыі 15 сакавіка.



Падчас пікета ў цэнтры Бабруйску пенсіянеркі меркавалі выкарыстаць плакаты наступнага зместу: “У Канстытуцыі правы і свабоды на паперы, а нам яны патрэбныя ў жыцці!”, “Чыноўнікі кіруюцца не Канстытуцыяй, а паняццямі”, “Чыноўнікі і дэпутаты схаваліся ад народа за плотам адпісак”.

Сваю адмову чыноўнікі матывавалі тым, што ўпраўленне ўнутраных спраў Бабруйскага гарвыканкама не ўзгадніла месца правядзення акцыі, а таксама нагадалі заяўнікам, што рашэннем мясцовых уладаў пастаянным месцам для правядзення масавых мерапрыемстваў у Бабруйску вызначаны стадыён па вуліцы Урыцкага. Трэба адзначыць, што чыноўнікі так і не назвалі прычыну, з якой месца правядзення пікетавання не было ўзгоднена.

На думку заяўнікаў, такой прычынай маглі стаць дрэннае надвор’е, дрэнны настрой чыноўнікаў ці сямейныя абставіны ў дзяржаўных службоўцаў. І гэтыя думкі не безпадстаўныя. Справа ў тым, што Валянціна Каваленка і Любоў Санкевіч планавалі правесці пікетаванне на Дзень правоў чалавека 10 снежня мінулага году, але ўлады ім адмовілі. Падчас судовага працэсу, на якім жыхаркі Бабруйску аспрэчвалі пазіцыю мясцовых чыноўнікаў, прадстаўнік гарвыканкама адной з прычын адмовы ў пікетаванні назваў дрэннае надвор’е.  

Разам з тым, у сваёй скарзе ў суд заяўнікі адзначаюць, што маюць права самі вызначаць месца правядзення акцыі ў адпаведнасці з заканадаўствам. А паколькі пікет з’яўляецца сродкам публічнага выказвання інтарэсаў альбо пратэсту грамадзян, акцыя страчвае ўсялякі сэнс, калі праводзіцца на ізаляванай тэрыторыі, лічаць жанчыны. Яны звярнулі ўвагу суду на тое, што пікет — не пікнік і адасабленне за агароджай стадыёну не прадугледжвае.
 

Нягледзячы на чарговую адмову уладаў на правядзене акцыі, пенсіянеркі працягваюць адстойваць сваё права на свабоду выказвання і 12 сакавіка зноў звярнуліся ў Бабруйскі гарвыканкам з заяўкай на пікет, які плануюць правесці 28 сакавіка.

Жыхар Мінску, пенсіянер Васіль Хацькоў 12 сакавіка таксама атрымаў адмову ад Мінскага гарвыканкама на пікет, падчас якога мужчына мяркаваў выкарыстаць плакаты наступнага зместу: “У Канстытуцыi правы i свабоды — на паперы, а мне яны патрэбныя у жыццi!” і “Дом знеслі (2009 год), метро пусцілі (2012 год), а кватэру даць забылі!”.

Абмеркаванне:

  • Любовь
  • 2014-03-13 00:28:40
Зажравшиеся, завравшиеся чинуши желают нас взять измором? Не получится, мы стойкие пенсионерки и идём своим путём! Победа будет за нами!
  • Коваленко
  • 2014-03-13 00:43:35
Массовое мероприятие может проводиться в любых пригодных для этой цели местах, за исключением мест, указанных в части третьей ст.9 Закона Республики Беларусь о массовых мероприятиях. Чиновники
Бобруйского горисполкома выбрали единственное место в городе за заборами. Для пикников отличное место, никто не увидит сколько выпил и чем закусил. Публичное выражение своего мнения, это
пикетирование, мы не нарушаем закон и прятатьтся от людей мы не собираемся.
  • все не так
  • 2014-03-13 00:57:44
Само слово "пикет" вызывает у чиновников дрожь в коленках. Им не важно, по какому поводу пикет, страшен сам факт, что кто то имеет мнение, отличное от спущенного сверху.Потому и
назначили место для проведения пикетов за глухими заборами, что бы прохожие не подумали - "Что то не так" и поняли, что всё не так.
  • Я
  • 2014-03-13 10:46:28
Я уверен, что большинство чиновников понятия не имеют, что написано в Конституции Республики Беларусь. Пенсионеры отработали на эту страну, а у них отнимают права гарантированные им Конституцией.
Позор такой власти!

Каментаваць