Дударскі клуб запрашае 14 сакавіка на гульні

Наступная вечарына Дударскага клубу, што адбудзецца 14 сакавіка, парадуе гульнямі ды забавамі пад дуды.
Пагуляем у добра забытыя гульні ды развучым новыя. І вядома ж, павіруем у сярэднявечных і народных танцах!

Калі:
14 сакавіка (серада)
пачатак а 19:00
Дзе:
кавярня "Грай" (вул. Інтэрнацыянальная, 33)
УВАХОД ВОЛЬНЫ!

Вечарынам патрэбная вашая падтрымка!

Гэты сезон музычна-танцавальных сустрэч будзе з вольным уваходам для ўсіх! Гэта дазваляе пашыраць аўдыторыю, уцягваць у дударскі й танцавальны рух новых людзей. Натуральна, вечарыны вымагаюць грашовых выдаткаў. Каб гэты сэзон прайшоў годна, арганізатары заклікаюць падтрымаць яго на Талацэ або на вечарынах «у шапку».

Дударскі клуб – гэта нефармальнае аб’яднаньне майстроў, што робяць дуды, музыкаў, якія на іх граюць, а таксама тых, хто гэтым майстрам і музыкам спачувае: танцораў, напрыклад. Персанажы «я не танчу, я толькі паслухаць» таксама сустракаюцца. Галоўнае – спрабаваць, рухацца і ўсё атрымаецца!


Паводле прэс-рэліза

Хочаце ведаць больш? Сачыце за нашымі публікацыямі ў Telegram і Facebook!

Каментаваць