Генадзь Драздоў: з выставы суполкі “Пагоня” знятыя пяць працаў мастакоў

З юбілейнай выставы творчай суполкі “Пагоня” Беларускага саюзу мастакоў, што вечарам 24 лістапада адкрылася ў сталічным Палацы мастацтва, знятыя пяць твораў “пагонічаў”, паведаміў карэспандэнту НЧ старшыня суполкі Генадзь Драздоў.



Алесь Мара. Маці Божая Нябеснай сотні


Апроч жывапісных палотнаў Алеся Мары (Аляксея Марачкіна) “Двубой, альбо супраціў двухгаловаму мутанту”, Алеся Пушкіна “Памяці беларусаў, загінулых за Украіну” і партрэту амерыканскай мастачкі беларускага паходжання Галіны Русак работы Віктара Маркаўца, пра якія ўжо паведамляў НЧ, з экспазіцыі былі знятыя карціна Алеся Цыркунова, прысвечаная бітве пад кляштарам Монтэ-Касіна ў Італіі, дзе ў траўні 1944 года ў барацьбе з нацыстамі загінулі 264 нашы суайчыннікі розных нацыянальнасцяў і веравызнанняў, а таксама плакат Уладзімера Крукоўскага “Што мы за людзі?”.

Мы пакуль дакладна не ведаем, хто зняў гэтыя творы — супрацоўнікі Міністэрства культуры альбо прадстаўнікі кіраўніцтва Беларускага саюзу мастакоў. Але паколькі гэта зроблена без узгаднення з кіраўніцтвам нашай суполкі, аўтары твораў пішуць заявы ў прэзідыум творчага аб’яднання з просьбай патлумачыць, чаму гэта было зроблена”, — зазначыў Генадзь Драздоў.

Абмеркаванне:

  • Коваленко
  • 2015-11-26 14:11:42
Чиновники боятся всего и всех, даже в истории нашего государства им мерещится опасность. Зачем эти люди живут на земле?

Каментаваць