Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

У Парыжы ўпершыню прайшло свята беларускіх Калядак

6 студзеня ў Парыжы ўпершыню прайшло свята беларускіх Калядак.




Мерапрыемства было арганізавана пасольствам Беларусі ў Францыі і прадстаўнікамі беларускай дыяспары, якая пражывае ў Парыжы, паведамляе прэс-служба пасольства.


Прысутным былі прадстаўлены нацыянальныя традыцыі, звязаныя са святкаваннем Калядаў у Беларусі. 


На вечары гучалі беларускія народныя і сучасныя песні ў выкананні беларускіх артыстаў, якія пражываюць у Парыжы, у тым ліку з рэпертуару ансамбля "Песняры", вядомых беларускіх кампазітараў Мулявіна, Лучанка, Жыновіча, Цікоцкага, Агінскага і іншых.


Падчас вечара адбылася дэгустацыя куцці і іншых беларускіх страў.


Пасол Беларусі ў Францыі Павел Латушка выказаў удзячнасць ўсім гасцям вечара і прадстаўнікам беларускай дыяспары за іх дзейнасць, накіраваную на захаванне беларускіх традыцый.


На вечары прасутнічала каля шасцідзесяці прадстаўнікоў беларускай дыяспары і парыжан, паведамляе пасольства.


Удзельнікі вечара адзначылі зацікаўленасць у правядзенні беларускіх Калядак на штогадовай аснове.


Госці вечара атрымалі ў якасці падарунку календары на 2015 год Нацыянальнай бібліятэкі Беларусі і Нацыянальнага гістарычнага музея Беларусі.
 
 
Аляксей Арэшка, БелаПАН

Каментаваць