«Адна з найбуйнейшых палітычных сіл Беларусі» прызнала Крым расійскім... Хто ж гэта?!

На шэрагу пракрамлёўскіх сайтаў з'явілася навіна — адна з найбуйнейшых палітычных сіл у Беларусі прызнала Крым расійскім. Такія публікацыі можна было пабачыць і на EurAsia Daily, і на сайце сепаратыстаў NewsFront, і на некаторых іншых рэсурсах, — піша Наша Ніва.

Усе гэтыя крыніцы спасылаліся на ўкраінскі апазіцыйны сайт «Голас праўды», які быў створаны людзьмі, блізкімі да былой кіруючай «Партыі рэгіёнаў».

«Голас праўды» піша, што Рэспубліканская партыя працы і справядлівасці, якая з'яўляецца нібыта «адной з найбуйнейшых палітычных сіл у Беларусі», прызнае Крым расійскім. «Голас праўды» спасылаецца на адно з інтэрв'ю лідара гэтай партыі Васіля Задняпранага.

Партыя, чыю назву з цяжкасцю ўзгадаюць нават беларускія палітычныя эксперты, апісваецца як «адна з найбуйнейшых палітычных сіл у Беларусі».

Прапагандысты пішуць, што партыя «мела значнае прадстаўніцтва ў беларускім парламенце на працягу некалькіх скліканняў». За лідараў меркавання выдаецца партыя, якая за 6 скліканняў Палаты прадстаўнікоў мела толькі 7 дэпутатаў.

Разам з тым, Задняпраны сапраўды стаіць на прарасійскіх пазіцыях, у чым не цяжка пераканацца, пагойсаўшы па ягонаму акаўнту ў твітары, дзе твой хваліцца сяброўствам з расійскімі палітыкамі, піша пра «веліч Расіі» і г.д.





Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • Владимир
  • 2018-02-10 09:36:16
Первый раз слышу про такую партию, скорее секта какая-то, сколоченная наспех из престарелых маразматиков. Лизнули смачно и им никогда не понять, что они этим позорят свою страну.
  • Hunter
  • 2018-02-16 12:21:21
Что за партия,кто ее видел? Россия в этом не нуждается.

Каментаваць