Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

Андрэй Бандарэнка атрымаў заключэнне экспертызы па сваёй справе

Палітвязень назваў праваабарончую экспертызу самым значным падарункам на Дзень народзінаў, які ён адзначыў на гэтым тыдні.


«Атрымаў ліст ад Міхаіла Іванавіча (Пастухова — аўт.). пра падрыхтаваны падарунак — экспертнае заключэнне. Без перабольшання магу сказаць, што гэта самы крэатыўны і значны падарунак на Дзень народзінаў, які я калі-небудзь атрымліваў. Напэўна, наўрадці яго можна будзе пераўзыйці. Мая ўдзячнасць ідэйнаму натхняльніку — Алегу Волчаку. Ёсць і яшчэ адзін, далёка не самы малаважны, а можа быць, і самы перспектыўны вынік — ствараецца новы прэцэдэнт ў супрацы і ўзаймадзеянні праваабарончых арганізацый ў вырашэнні важных праблем», — піша Андрэй Бандарэнка ў лісце да паплечнікаў.

Ён выказвае надзею, што гэтая супраца можа перарасці ў своеасаблівы экспертны саюз праваабаронцаў, які дапаможа эфектыўна дапамагаць людзям, чые правы і інтарэсы былі парушаны.

Нагадаем, на гэтым тыдні грамадскасці была прадстаўлена грунтоўная прававая экспертыза крымінальнай справы Андрэя Бандарэнкі, падрыхтаваная пры ўдзеле аўтарытэтнага юрыста, былога суддзі Канстытуцыйнага суду Міхаіла Пастухова. Аўтары экспертызы ў ліку іншага юрыдычна даказваюць, што крымінальная справа супраць Андрэя Бандарэнкі мусіць быць спынена, а прысуд з'яўляецца неабгрунтаваным і незаконным.

Абмеркаванне:

  • Без перабольшання магу сказаць гэта самы крэатыўны
  • 2016-04-18 10:29:05
крэатыўны - гэта значыць добра прыдуманы.... ну-ну... падаецца нават сам Бандарэнка не верыць у праўдзівасць гэтай экспертызы. Ну а калі па шчырасці - на мой погляд - гэта выглядае дзіўна - экспертыза як падарунак, і адразу узнікае некалькі пытанняў.

1. Чаму так званыя праваабаронцы не зрабілі гэта адразу пасля суда, калі была магчымасць праманіторыць. атрымаць матэрыялы і г.д. ?

2. Чаму гэта робіцца толькі тады, калі чалавек будзе выходзіць менш як праз год з турмы ? Падрыхтоўка глебы ці нешта яшчэ?

3. Пачытаўшы хто падпісаў гэты дакумент - прабачце - няма не воднага вядомага прозвішча, дзе вядомыя праваабаронцы і юрысты Паганяйла, Бяляцкі, Гыб і інш ? Пастухова тут не улічваем - бо ён апошнім часам носіцца з гэтай справай як з "пісанай торбай" - а значыць мае нейкі там інтарэс, але прабачце Дабравольскі і юрыст - неяк не укладаецца у галаве....

4. Чаму экспертызе ні слова не пазначана - што Бандарэнка пад час здзяйснення злачынства быў ў алкагольным ап'яненні ? і г.д.

Каментаваць