Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

Беларусь так і не адказала на ноту Украіны аб выкраданні ўкраінца Грыба — МЗС

Міністэрства замежных спраў Беларусі не адказала на ноты Украіны пра абставіны затрымання расійскімі спецслужбамі 19-гадовага ўкраінца Паўла Грыба ў Гомелі.

Фота: ru.hromadske.ua

Пра гэта паведаміла МЗС Украіны на запыт выдання "Украінскія навіны", піша Грамадскае.

Адзначаецца, што пасля заявы бацькі Паўла Грыба Ігара аб выкраданні яго сына пасольства Украіны ў Беларусі 28 жніўня накіравала ў беларускае МЗС ноту з просьбай прадаставіць інфармацыю пра абставіны знікнення ўкраінца.

20 верасня ў МЗС Беларусі была накіраваная ноту з просьбай паскорыць прадастаўленне інфармацыі пра абставіны знікнення Грыба.

"На сёння пасольства Украіны ў Рэспубліцы Беларусь і МЗС Украіны не атрымалі адказу або афіцыйнага тлумачэння па гэтым пытанні", — гаворыцца ў заяве.

Раней суд Краснадара падоўжыў украінцу Грыбу тэрмін утрымання пад вартай ажно да 4 студзеня 2018 года.

Украінскія дактары паехалі да Паўла Грыба, які знаходзіцца ў СІЗА Краснадара. Аднак расійскія праваахоўнікі іх не пусцілі.

28 жніўня ўкраінскі афіцэр Ігар Грыб заявіў пра выкраданне сына спецслужбамі РФ у Беларусі. Паводле яго слоў, супрацоўнікі ФСБ выманілі Паўла ў Гомель пад выглядам сустрэчы з дзяўчынай і правялі затрыманне.

Затым у МЗС Украіны пацвердзілі, што сын украінскага вайскоўца Павел Грыб знаходзіцца ва ўпраўленні ФСБ Расіі ў Краснадары.

euroradio.fm


Каментаваць