Да спробы патрапіць у жытло Тамары Сяргей і Валянціны Каваленка прыцягнулі міліцыю

Каля паўдня 10 жніўня ў Мінску і Бабруйску (Магілёўская вобласць) судовыя выканаўцы паспрабавалі патрапіць у жыллё актывістак Грамадзянскай ініцыятывы супраць беззаконнасці ў судах і пракуратуры, мінчанкі Тамара Сяргей і бабруйчанкі  Валянціны Каваленка.
На здымку – Валянціна Каваленка (другая злева) і Тамара Сяргей (чацвёртая злева) пад час пікету 31 сакавіка на плошчы Свабоды ў Мінску

На здымку – Валянціна Каваленка (другая злева) і Тамара Сяргей (чацвёртая злева) пад час пікету 31 сакавіка на плошчы Свабоды ў Мінску


Нагадаем, што 31 сакавіка на сталічнай плошчы Свабоды 15 актывістаў Грамадзянскай ініцыятывы супраць беззаконнасці ў судах і пракуратуры — пенсіянеры і інваліды з розных рэгіёнаў краіны зладзілі несанкцыянаваны пікет дзеля таго, каб дамагчыся дыялогу з чыноўнікамі, якія даюць адпіскі на звароты грамадзянаў.  

За гэтую недазволеную акцыю суддзі суду Цэнтральнага раёна Мінска Вікторыя Шабуня і Валер Есьман аштрафавалі, адпаведна, праваабаронцу Тамару Сяргей на 40 базавых велічынь (840 руб.) і Валянціну Каваленка на 20 базавых велічынь (420 руб.).
 
27 ліпеня і 4 жніўня судовыя выканаўцы двойчы спрабавалі патрапіць у мінскую кватэру Тамары Сяргей, каб зрабіць агляд жылля і высветліць матэрыяльны стан праваабаронцы. У якасці падставы для агляду была названая вялікая сумма штрафу, якую павінна ўнесці ў фонд дзяржавы юрыстка. Аднак яна адмовілася дапускаць судовых выканаўцаў у сваю кватэру.

Да трэцяй спробы патрапіць у жытло праваабаронцы, што адбылася 10 жніўня ў Мінску, судовыя выканаўцы прыцягнулі міліцыю. Аднак дзверы ім ніхто не адчыніў.

У гэты ж час падобнае адбылося і ў Бабруйску, дзе судовыя выканаўцы разам з міліцыянтамі паспрабавалі патрапіць на тэрыторыю прыватнай сядзібы Валянціны Каваленка. Аднак веснічкі ім ніхто не адчыніў.

У каментары НЧ Тамара Сяргей заявіла, што ў найноўшай гісторыі Беларусі дзяржава не аднойчы дэманстравала грамадзянам розныя метады запужвання, а часам і адкрытага гвалту. “На нашым прыкладзе дзяржава дэманструе грамадзянам, як насамрэч адносіцца да тых, хто жадае дыялогу з уладамі”, — сказала праваабаронца. 



Абмеркаванне:

  • Санкевич
  • 2016-08-11 10:21:23
Просто нет слов от действий этих "слуг" народа! Все эти страшилки не для нас! Меня уже трудно запугать! Терять мне нечего, кроме цепей! "слуги" народа отняли всё! Если ещё не думала идти на площадь то теперь побегу!!!
  • ВМК
  • 2016-08-11 12:54:15
В правовом государстве так преследовать граждан, только за то, что они отстаивают свои права, предоставленные им Конституцией страны, по моему мнению могут только преступники. Я считаю, что многие чиновники уже боятся даже слышать о Законах страны, а исполнять Законы Республики Беларусь, для них смерти подобно. Но рано или поздно придётся отвечать по всей строгости Закона. А нам бояться нечего, мы с Законом дружим.

Каментаваць