Як інваліда прымусілі прыбыць у Мінск на суд, які не адбыўся

78-гадовага інваліда другой групы з райцэнтру Крупкі, што ў Мінскай вобласці, прадстаўнікі праваахоўных органаў змусілі прыехаць у сталіцу на суд, які не адбыўся.
Барыс Бабок падчас пікету (трэці справа)

Барыс Бабок падчас пікету (трэці справа)



Гэта непрыгожая гісторыя адбылася сёння, 16 мая, у судзе Цэнтральнага раёна Мінска з пенсіянерам, ветэранам працы і актывістам Грамадзянскай ініцыятывы супраць беззаконня ў судах і пракуратуры Барысам Канстанцінавічам Бабком.

Як распавёў карэспандэнту НЧ спадар Барыс, 31 сакавіка на сталічнай плошчы Свабоды ён разам з іншымі актывістамі ініцыятывы браў удзел у пікетаванні супраць адпісак чыноўніцтва на звароты грамадзян.

13 мая старшы лейтэнант Крупскага РАУС, які не прадставіўся, прыйшоў дадому да спадара Барыса і паведаміў, што суд Цэнтральнага раёна горада Мінска вынес пастанову аб яго прымусовым дастаўленні ў гэты суд да 12.00 16 мая. Пры гэтым міліцыянт папярэдзіў грамадзяніна, што калі той адмовіцца прыбыць у суд добраахвотна, дык будзе прымусова дастаўлены ў кайданках.

Затым невядомы старшы лейтэнант міліцыі яшчэ раз усё гэта нагадаў Барысу Канстанцінавічу 15 мая, а 16 мая прыйшоў да інваліда а 6.30 раніцы, каб пракантраляваць выкананне свайго папярэджання.

Аднак пасля таго, як пажылы чалавек прыехаў у сталіцу, на дошцы аб’яваў суда Цэнтральнага раёна ён не знайшоў інфармацыі пра судовы працэс са сваім удзелам.

Ад перанесенага стрэсу Барысу Бабку стала кепска, а выкліканая брыгада хуткай дапамогі прапанавала 78-гадоваму інваліду шпіталізацыю.

Але спадар Барыс ад шпіталізацыі адмовіўся, бо чакаў высвятлення ўсіх абставінаў наконт суду.

Праз некалькі гадзін мужчыне стала вядома, што пасля таго, як суддзя суду Цэнтральнага раёна Міхаіл Хома накіраваў на дапрацоўку ў Цэнтральны РУУС Мінска адміністрацыйную справу на Барыса Бабка, гэтая справа 13 мая насамрэч вярнулася ў суд. Зараз справу перадалі суддзі Вікторыі Шабуні, якая будзе яе разглядаць 20 мая а 12.00.

У каментары НЧ юрыстка Тамара Сяргей назвала гісторыю са спадаром Барысам “праяўленнем беззаконня і тэлефоннага права, што і па сёння гаспадарыць у краіне”. На яе меркаванне, менавіта суддзя Міхаіл Хома ініцыяваў такі здзек з немаладога інваліда. “Ці сам суддзя, ці іншы супрацоўнік суду па тэлефоне паведамілі ў Крупскі РАУС не адпавядаючую рэчаіснасці інфармацыю пра пастанову аб прымусовым дастаўленні грамадзяніна ў суд. І гэтая інфармацыя была даведзена да Барыса Бабка. Аднак у адміністрацыйнай справе на яго вышэйназваная пастанова адсутнічае”, — сказала юрыстка.

Яна звярнула ўвагу на тое, што згодна заканадаўству, пасля атрымання справы з Цэнтральнага РУУС суддзя Міхаіл Хома быў абавязаны выклікаць Барыса Бабка ў суд позвай, каб грамадзянін меў час на падрыхтоўку да судовага працэсу. “А паколькі спадар Барыс увогуле не атрымаў аніякай позвы з суду, мы будзем выяўляць усіх “герояў” гэтай ганебнай і прыкрай гісторыі”, — заявіла Тамара Сяргей.    



Барыс Бабок

Трэба дадаць, што інжынер-механік Барыс Бабок шмат гадоў узначальваў сельскагаспадарчыя прадпрыемствы Крупскага раёна, працаваў намеснікам старшыні Крупскага райвыканкама па будаўніцтве, за сваю добрасумленную працу адзначаны ордэнам “Знак Пашаны” і Ганаровай граматай Вярхоўнага Савета БССР.

Увогуле, усё тое, што адбылося днямі з гэтым працавітым і прыстойным чалавекам, не толькі абражае ягоныя гонар і годнасць, але і з’яўляецца здзекам з артыкула 47 Канстытуцыі Рэспублікі Беларусь, дзе пазначана, што “дзяржава праяўляе асаблівы клопат пра ветэранаў вайны і працы”.  

На гэты конт Барыс Бабок пакінуў сваю скаргу ў Кнізе заўвагаў і прапановаў суду Цэнтральнага раёна і накіраваў скаргу старшыні Вярхоўнага суду краіны.





Абмеркаванне:

  • яковлевич
  • 2016-05-17 05:56:58
Люди, задумайтесь, как можно так поступать с человеком, который всю свою жизнь трудился на благо Беларуси. Его детство и юность пришлись на самые тяжелые послевоенные годы. Возможно, родители и судьи и милиционера, которые сегодня издеваются над инвалидом - пенсионером, смогли выжить в то тяжелое время только благодаря тому, что такие люди, как Б.К.Бобок обеспечивали страну продовольствием, строили дома в которых они жили. А сегодня эти нелюди медленно убивают человека, которому обязаны кланяться в пояс до конца жизни.
  • пенсионер
  • 2016-05-17 14:35:50
Надо принимать во внимание главное, что этот добропорядочный человек не нарушал закон, а действовал строго в рамках закона страны. Не надо быть юристом, чтобы сделать вывод, кто в этом случае согласно законодательству страны преступник.
  • Коваленко
  • 2016-05-17 07:06:40
Это не пенсионера надо судить, а милиционера и судью за их издевательство над человеком. Это они пользуясь служебным положением нашего государства преступили закон страны, и должны нести ответственность по закону. Таких людей надо изолировать от общества, они опасны, но гарант Конституции делает вид, что не замечает. А может у Президента самого уже нет реальной власти?
  • Санкевич
  • 2016-05-17 18:18:49
Такого позора и ужаса не было у нас в стране как при этом правлении зажравшихся, завравшихся чинуш власти всех мастей, в том числе и судей Беларуских судов!!! Воры на свободе получают награды, должности и пенсии по 15 миллионов! Позор такой власти!!!
  • Валентина
  • 2016-05-19 07:16:49
Александр Лукашенко! За что такие издевательства над людьми? Ведь эти люди - пенсионеры пришли на площадь не для того, чтобы отнять у Вас власть, а с целью быть услышанными Вами- гарантом Конституции. А может действительно Вы уже и сами не обладаете властью в стране? Ведь Ваши назначенцы наказывают людей за то, что люди пытаются быть услышанными Вами - Президентом. Получается, что такими пытками Ваши назначенцы пытаются запретить нам считать Вас Президентом - гарантом Конституции и наших прав.

Каментаваць