Макей: Беларусь і ЕС за два гады дасягнулі ў адносінах большага, чым за 20 гадоў санкцый

Беларусь і Еўрасаюз за апошнія два гады дасягнулі вельмі многага ў развіцці сваіх адносін. Пра гэта міністр замежных спраў Беларусі Уладзімір Макей заявіў у інтэрв'ю тэлеканалу Euronews.


«Думаю, што на працягу апошніх двух гадоў мы дасягнулі вельмі многага. За два гады мы дасягнулі значна большага ў адносінах з Еўрасаюзам, чым за папярэднія 20 гадоў санкцый, недаверу і так званай мегафоннай дыпламатыі», — заявіў міністр.

Еўрапейскі саюз у два разы павялічыў дапамогу Беларусі ў рамках розных праграм.

«Існуе шмат пазітыўных момантаў, але ў той жа час мы, зразумела, разумеем, што ёсць шэраг адчувальных для ЕС пытанняў і трэба працаваць над гэтымі пытаннямі», — сказаў Уладзімір Макей.

Паводле яго слоў, эканамічнае супрацоўніцтва з ЕС дае магчымасць Беларусі ўмацоўваць сваю эканоміку, захоўваць і ўмацоўваць палітычную незалежнасць.

Паводле «Нашай Нівы»

Хочаце ведаць больш? Сачыце за нашымі публікацыямі ў Telegram і Facebook!

Каментаваць