Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

Беларусы і ўкраінцы разам партэставалі супраць вучэнняў «Захад-2017» (фота, відэа)

У цэнтры Нью-Ёрку, каля расейскага прадстаўніцтва ў ААН,10 верасня адбыўся мітынг пратэсту супраць расейска-беларускіх вайсковых вучэньняў, якія распачнуцца ў хуткім часе на тэрыторыі Беларусі. Мітынг быў прымеркаваны да Дня вайсковай славы.


У вучэннях “Захад-2017” возьме ўдзел непамерна вялікая колькасць расейскіх вайскоўцаў і вайсковай тэхнікі. Гэтыя вучэнні нясуць пагрозу незалежнасці краіны, таму беларусы на Бацькаўшчыне і па ўсім свеце пратэстуюць супраць магчымага захопу нашай краіны, магчымай гібрыднай акупацыі Расеяй.


Мітынг быў арганізаваны Бруклінскім аддзелам Беларуска-Амерыканскага Задзіночання. У ім узялі ўдзел беларускія патрыёты, якім неабыякавы лёс нашай радзімы, сябры БАЗА з Нью-Ёрку ды Філадэльфіі, актывісты ўкраінскай дыяспары. Сярод выступоўцаў быў лідар Кансэрватыўна-Хрысціянскай партыі БНФ Зянон Пазьняк, старшыня Галоўнай Управы БАЗА Ганна Сурмач, Іванка Заяц ды Андрэй Дабранскі — прадстаўнікі Украінскага Кангрэсавага Камітэту ў Амерыцы.




Падчас мітынгу была прынятая адмысловая рэзалюцыя:                

"Мы, беларусы, удзельнікі мітынгу ў горадзе Нью-Ёрку, арганізаванага Беларуска-Амерыканскім Задзіночаннем з нагоды Дня Беларускай вайсковай славы і з прычыны грубага парушэння сувэрэнітэту Беларусі ў выніку запланаваных вучэнняў расейскага войска “Захад-2017” на тэрыторыі Беларусі, заяўляем наступнае:

1. Патрабуем адмяніць расейскія вайсковыя вучэньні “Захад-2017” на тэрыторыі Беларусі.

2. Патрабуем вывезці з тэрыторыі Беларусі ўсе расейскія войскі і бронетэхніку назад у Расею.

3. Незаконнае ўвядзенне расейскіх войскаў на тэрыторыю Беларусі ёсьць грубым парушэннем суверэнітэту Беларусі, Канстытуцыі Беларусі і міжнароднага права і ацэньваецца як акт агрэсіі.

У сувязі з гэтым, паколькі чужыя войскі зайшлі на тэрыторыю Беларусі, мы заклікаем усіх грамадзянаў беларускай Айчыны рыхтавацца да барацьбы з агрэсарам усімі сродкамі, спосабамі і сіламі. Заклікаем ўсіх беларусаў замежжа спрыяць суверэнітэту і свабодзе Беларусі, падтрымліваць змаганне беларускіх патрыётаў за волю і незалежнасць краіны. І калі ўзброеныя прышэльцы не пакінуць у верасьні нашу тэрыторыю, прыступіць да барацьбы з акупантамі дзеля абароны краіны, яе суверэнітэту і Незалежнасці.

10 верасеня 2017 г., Нью-Ёрк".



Каментаваць