Наталлю Бордак дапыталі ў міліцыі адносна дапамогі ўкраінскім жаўнерам

Актывістку аргкамітэту партыі «Беларуская хрысціянская дэмакратыя» Наталлю Бордак дапыталі ў аддзеле крымінальнага вышуку Нясвіжскага РУУС. У міліцыі цікавіліся, ці ўдзельнічала яна ў дабрачыннай акцыі «Дапамажы беларускаму салдату» для ваюючых на Данбасе на баку Украіны беларусаў.
Наталля Бордак

Наталля Бордак

Таксама следчы Аляксандр Васілевіч хацеў ведаць, хто яшчэ ўдзельнічаў у дабрачынным мерапрыемстве, якое прайшло ў студзені.

Актывістка адмовілася адказваць на пытанні, якія тычыліся дабрачыннага марафону, і падпісваць любыя дакументы.

«Акрамя таго, яны (міліцыя — рэд.) цікавіліся, чым я займаюся, з кім жыву, дзе працую, як часта ўдзельнічаю ў выставах і аўкцыёнах. Напрыканцы размовы следчы Васілевіч зачытаў паперу (магчыма, пратакол допыту) у прысутнасці двух панятых, на якой распісаліся невядомыя мне мужчыны», — паведаміла Наталля Бордак.

«Вайна, якую цяжка было ўявіць сабе яшчэ некалькі год таму, сёння больш чым рэальная. Народ Украіны мужна змагаецца за сваю зямлю, за сваю дзяржаўнасць з імперыяй-агрэсарам, якая па колькасці зброі пераўзыходзіць яго ў некалькі разоў. Побач з нашымі братамі-украінцамі змагаюцца і беларусы, бо захопніцкая палітыка Крамля пагражае і Беларусі, і іншым постсавецкім краінам. Менавіта з-за таго, што Украіна так мужна стрымлівае акупантаў з усходу, Беларусь яшчэ дагэтуль не акупавана», — заявіла Наталля Бордак.

Паводле прэс-службы БХД

Абмеркаванне:

  • Садовская Екатерина
  • 2016-06-04 13:56:19
Согласно ст.27 Конституции РБ она имеет полное право отказаться от дачи показаний в отношении себя, своих близких. У меня когда - то пытались гэбисты выяснить мои действия в организации. Я им этой статьей заткнула рот. Что хочу, то и делаю. Мои деньги, куда хочу туда и трачу. Захочу использую вместо туалетной бумаги, захочу пьянице подарю или еще кому - то. Что, злоба берет, что параноику они не идут? Насколько я знаю и часто слышу в транспорте ему все желают только одного, побыстрее принести ему цветы в гроб или осиновый кол на могилу. Такова реальность.

Каментаваць