У кабінах для галасавання вісяць “падказкі”

Пра гэта 19 сакавіка ў 18.10 пасля выхаду з кабіны для галасавання на ўчастку №6   выбарчай акругі №48 горада Мінска заявіла жыхарка сталіцы сябрам участковай выбарчай камісіі па выбарах дэпутатаў у мясцовыя саветы.



Тамара Сяргей


Сведкам гэтай падзеі была назіральнік за выбарамі на ўчастку №6, што знаходзіцца ў актавай зале Мінскага дзяржаўнага палітэхнічнага каледжу (праспект Незалежнасці, 85), юрыстка Тамара Сяргей.

Паводле яе слоў, пасля таго, як выбаршчыца прагаласавала, яна заявіла сябрам выбарчай камісіі, што “пад уплывам узору запаўнення бюлетэняў для галасавання, які вывешаны ў кабіне для таемнага галасавання, таксама аўтаматычна паставіла птушку ў другім квадраце бюлетэня”. Пры гэтым жанчына звярнула ўвагу сябраў камісіі на тое, што нельга размяшчаць у кабінах для галасавання ўзоры бюлетэняў з квадратам, памечаным птушкай, бо гэта ёсць “своеасаблівая падказка” выбаршчыкам за каго галасаваць.

На просьбу назіральніка прадаставіць адпаведны нарматыўна-прававы акт, на выснове якога ў кабінах для галасавання знаходзяцца такія “падказкі”, намеснік старшыні ўчастковай выбарчай камісіі Наталля Шкадун адказала, што ўзоры бюлетэняў з квадратам, памечаным птушкай, вывешаны ў кабінах згодна артыкулу 51 “Арганізацыя галасавання на ўчастку для галасавання” Выбарчага кодэксу Рэспублікі Беларусь. Аднак у дадзеным артыкуле няма нічога падобнага, падкрэсліла Тамара Сяргей.

Яна звярнула ўвагу на тое, што паколькі на выбарчым участку галасуе шмат моладзі – навучэнцаў каледжу і студэнтаў Беларускай дзяржаўнай акадэміі мастацтваў, прычым многія з іх удзельнічаюць у выбарах упершыню, “падказка” замінае маладым людзям зрабіць свядомы выбар кандыдата ў дэпутаты Мінскага гарадскога савету, і, такім чынам, аказвае на юнакоў і дзяўчат псіхалагічны ўціск.   

Па дадзенаму факту назіральніца накіравала заяву на імя старшыні ўчастковай выбарчай камісіі Наталлі Куноўскай.

Абмеркаванне:

  • Коваленко
  • 2014-03-20 17:53:35
Скоро в бюллетенях будут стоять птички, а нам оставят право только поствить подпись. Как избираются, так и работают.
  • Любовь
  • 2014-03-20 19:37:18
А вообще есть такие случаи, что члены комиссии сами расписываются за граждан! Так было в Бобруйске на предыдущих выборах в местные советы за меня была поставлена подпись, об этом я узнала придя на
участок за 10 минут до окончания голосования! Так что нет у нас "выборов" а есть игра в эти "выборы" и назначенными депутатами от власти! Нет выборов есть
"понятия" по которым живёт Беларуская власть!!!
  • избиратель
  • 2014-03-20 21:12:34
В нашей стране чиновники своими поступками доказывают, что законодательные акты и Конституция в не закона. По их понятиям нужны представители чиновников, а не народа. Да проголосовали бы за всех и
сразу и точка. Знают, что народ давно уже не верит, но пока молчит.
  • не хочу играть в "наперстки"
  • 2014-03-20 22:55:13
Это наверно птичка накакала в квадратик. Говорят, это к деньгам. Кандидат в депутаты может резко разбогатеть.

Каментаваць