Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

У Мінску дамовіліся пра спыненне агню. Украіна не пагадзілася на аўтаномію для Данбаса

Пятро Парашэнка заявіў журналістам па вынікам саміту, што Трохбаковая кантактая група падпісала дамову.



«Галоўнае — безумоўнае спыненне агню з 0 гадзін 15 лютага. Яно суправаджаецца адводам цяжкай артылерыі. Яна адводзіцца ад «мінскай» ліні на 25 км ад украінскіх і сепаратысцкіх фармаванняў, утвараецца буферная зона у 140 км для сістэм залпавага агню. Мы не пайшлі на статус аўтаноміі для Данбасу і федэралізацыю», — сказаў Парашэнка.

Парашэнка заявіў аб тым, што кантактная група дамовілася аб вывадзе ўсіх замежных сіл з Украіны. Але Масква не прызнае і іх наяўнасць, вось у чым загвоздка.

Раней Пуцін таксама заявіў журналістам пра дамоўленасць аб спыненні агню. Аднак заўважыў, што поўнае ўрэгуляванне канфлікту магчыма толькі пры прамых кантактах Кіева з самаабвешчанымі рэспублікамі.

Канцлер Германіі Ангела Меркель да прэсы не выходзіла. Прэзідэнт Францыі Франсуа Аланд сказаў, што перамовы даюць сур'ёзную надзею на паляпшэнне крызіснай сітуацыі, але яна яшчэ далёкая ад завяршэння. 

Каментаваць