Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

Аўстрыя хоча адмяніць роўнасць грамадзян ЕС пры прыёме на працу

Канцлер Аўстрыі Крысціян Керн хоча даць мясцовым працадаўцам права пры найме аддаваць прыярытэт аўстрыйцам перад грамадзянамі іншых краін Еўразвяза.
На гэты момант у аб'яднанай Еўропе дзейнічае агульны рынак працы: грамадзяне ўсіх дзяржаў, якія ўваходзяць у ЕЗ, па законе маюць роўныя правы пры прыёме на працу ў любой з краін звяза. Аддаваць прыярытэт грамадзянам якой-небудзь краіны заканадаўча забаронена.

Керн паабяцаў звярнуцца з адпаведнай просьбай да лідэраў ЕС падчас выступу на мерапрыемстве, прысвечаным старту 10-гадовага плана эканамічнага развіцця, у якім асаблівая ўвага павінна быць нададзена стварэнню новых працоўных месцаў.

«Краіны Усходняй Еўропы экспартуюць сваю беспрацоўе ў Аўстрыю», — заявіў сацыял-дэмакрат Керн, выступаючы ў горадзе Вельс, дзе на выбарах перамагла ўльтраправая Партыя свабоды.

Папулярнасць Партыі свабоды ў Аўстрыі ў апошні час расце, шмат у чым з-за боязі жыхароў з нагоды іміграцыі і беспрацоўя.

Абяцанне Керна назіральнікі ацэньваюць як спробу прыцягнуць выбарнікаў, якія сімпатызуюць аўстрыйскім ультраправым.

На прэзідэнцкіх выбарах у мінулым годзе кандыдат ад Партыі свабоды стаў другім. Партыю Керна, паводле папярэдніх ацэнак, падтрымліваюць каля 27% выбаршчыкаў.

У кастрычніку міністэрства ўнутраных спраў Вялікабрытаніі прапанавала абавязаць працадаўцаў раскрываць колькасць найманых імі работнікаў-замежнікаў, каб тым самым падштурхнуць іх да таго, каб прыярытэт пры найме аддаваўся брытанскім грамадзянам.

Акрамя таго, міністр унутраных спраў Вялікабрытаніі Эмбер Рад заявіла пра неабходнасць узмацніць існуючыя нарматывы для працадаўцаў, якія цяпер абавязаныя рэкламаваць вакансіі ў Брытаніі на працягу 28 дзён, перш чым звяртацца за рабочай візай для работніка-замежніка.

Паводле BBC

Каментаваць