Германія. Актывізацыя рускамоўнай мафіі

У Германіі скардзяцца на актывізацыю рускамоўнай мафіі. Паводле ранейшых папярэдніх ацэнак германскіх уладаў, злачынная супольнасць выхадцаў з былога СССР на тэрыторыі Германіі складае ад 20 да 40 тысяч чалавек.
Фота EPA

Фота EPA



Кіраўнік Федэральнага ведамства па крымінальных справах Германіі Хольгер Мюнх у інтэрв'ю газеце “Welt am Sonntag” сказаў, што ў краіне назіраецца сур'ёзная актывізацыя рускамоўнай мафіі, паведамляе ВВС.

Паводле яго слоў, гэтыя злачынцы наносяць Германіі эканамічны ўрон на мільярды еўра.

"Восем-дзесяць працэнтаў зняволеных нямецкіх турмаў — рускамоўныя ці выхадцы з Расіі, гэта каля 5 тысяч чалавек", — сказаў Мюнх.

Хольгер Мюнх адзначыў, што гаворка ідзе аб выхадцах з Расіі, Абхазіі, Каўказа, Туркменіі і іншых рэгіёнаў былога Савецкага Саюза.

Паводле ранейшых ацэнак германскіх уладаў, злачынная супольнасць выхадцаў з былога СССР на тэрыторыі Германіі — ад 20 да 40 тысяч чалавек.

Зараз Федэральнае ведамства па крымінальных справах кажа пра "пяцізнакавую лічбу" і дадае, што не валодае больш поўнай інфармацыяй.


Каментаваць